헬라어 문장 검색 - Πλυταρ́Ρομυλυσ́17́

(플루타르코스, chapter 17)

μετὰ δὲ τὴν Καινινητῶν ἅλωσιν ἔτι τῶν ἄλλων Σαβίνων ἐν παρασκευαῖσ ὄντων, συνέστησαν οἱ Φιδήνην καὶ Κρουστουμέριον καὶ Ἀντέμναν οἰκοῦντεσ ἐπὶ τοὺσ Ῥωμαίουσ, καὶ μάχησ γενομένησ ἡττηθέντεσ ὁμοίωσ, τάσ τε πόλεισ Ῥωμύλῳ παρῆκαν ἑλεῖν καὶ τὴν χώραν δάσασθαι καὶ μετοικίσαι σφᾶσ αὐτοὺσ εἰσ Ῥώμην. ὁ δὲ Ῥωμύλοσ τὴν μὲν ἄλλην κατένειμε χώραν τοῖσ πολίταισ, ὅσην δ’ εἶχον οἱ τῶν ἡρπασμένων παρθένων πατέρεσ, αὐτοὺσ ἔχειν ἐκείνουσ εἰάσεν. ἐπὶ τούτοισ βαρέωσ φέροντεσ οἱ λοιποὶ Σαβῖνοι Τάτιον ἀποδείξαντεσ στρατηγὸν ἐπὶ τὴν Ῥώμην ἐστράτευσαν.

ἦν δὲ δυσπρόσοδοσ ἡ πόλισ, ἔχουσα πρόβλημα τὸ νῦν Καπιτώλιον, ἐν ᾧ φρουρὰ καθειστήκει καὶ Ταρπήιοσ ἡγεμὼν αὐτῆσ, οὐχὶ Ταρπηία παρθένοσ, ὡσ ἔνιοι λέγουσιν, εὐήθη τὸν Ῥωμύλον ἀποδεικνύοντεσ· ἀλλὰ θυγάτηρ ἡ Ταρπηία τοῦ ἄρχοντοσ οὖσα προὔδωκε τοῖσ Σαβίνοισ, ἐπιθυμήσασα τῶν χρυσῶν βραχιονιστήρων οὓσ εἶδε περικειμένουσ, καὶ ᾔτησε μισθὸν τῆσ προδοσίασ ἃ φοροῖεν ἐν ταῖσ ἀριστεραῖσ χερσί. συνθεμένου δὲ τοῦ Τατίου, νύκτωρ ἀνοίξασα πύλην μίαν, ἐδέξατο τοὺσ Σαβίνουσ.

οὐ μόνοσ οὖν ὡσ ἐοίκεν Ἀντίγονοσ ἔφη προδιδόντασ μὲν φιλεῖν, προδεδωκότασ δὲ μισεῖν, οὐδὲ Καῖσαρ, εἰπὼν ἐπὶ τοῦ Θρᾳκὸσ Ῥοιμητάλκου, φιλεῖν μὲν προδοσίαν, προδότην δὲ μισεῖν, ἀλλὰ κοινόν τι τοῦτο πάθοσ ἐστὶ πρὸσ τοὺσ πονηροὺσ τοῖσ δεομένοισ αὐτῶν, ὥσπερ ἰοῦ καὶ χολῆσ ἐνίων θηρίων δέονται· τὴν γὰρ χρείαν ὅτε λαμβάνουσιν ἀγαπῶντεσ, ἐχθαίρουσι τὴν κακίαν ὅταν τύχωσι. τοῦτο καὶ πρὸσ τὴν Ταρπηίαν τότε παθὼν ὁ Τάτιοσ, ἐκέλευσε μεμνημένουσ τῶν ὁμολογιῶν τοὺσ Σαβίνουσ μηδενὸσ αὐτῇ φθονεῖν ὧν ἐν ταῖσ ἀριστεραῖσ ἔχουσι, καὶ πρῶτοσ ἅμα τὸν βραχιονιστῆρα τῆσ χειρὸσ περιελὼν καὶ τὸν θυρεὸν ἐπέρριψε.

πάντων δὲ τὸ αὐτὸ ποιούντων, βαλλομένη τε τῷ χρυσῷ καὶ καταχωσθεῖσα τοῖσ θυρεοῖσ, ὑπὸ πλήθουσ καὶ βάρουσ ἀπέθανεν. ἑάλω δὲ καὶ Ταρπήιοσ προδοσίασ ὑπὸ Ῥωμύλου διωχθείσ, ὡσ Ιὄβασ φησὶ Γάλβαν Σουλπίκιον ἱστορεῖν.

τῶν δ’ ἄλλα περὶ Ταρπηίασ λεγόντων ἀπίθανοι μέν εἰσιν οἱ Τατίου θυγατέρα τοῦ ἡγεμόνοσ τῶν Σαβίνων οὖσαν αὐτήν, Ῥωμύλῳ δὲ βίᾳ συνοικοῦσαν, ἱστοροῦντεσ ταῦτα ποιῆσαι καὶ παθεῖν ὑπὸ τοῦ πατρόσ· ὧν καὶ Ἀντίγονόσ ἐστι. Σιμύλοσ δ’ ὁ ποιητὴσ καὶ παντάπασι ληρεῖ, μὴ Σαβίνοισ οἰόμενοσ, ἀλλὰ Κελτοῖσ τὴν Ταρπηίαν προδοῦναι τὸ Καπιτώλιον, ἐρασθεῖσαν αὐτῶν τοῦ βασιλέωσ. λέγει δὲ ταῦτα· ἡ δ’ ἀγχοῦ Τάρπεια παραὶ Καπιτώλιον αἶποσ ναίουσα Ῥώμησ ἔπλετο τειχολέτισ, Κελτῶν ἣ στέρξασα γαμήλια λέκτρα γενέσθαι σκηπτούχῳ, πατέρων οὐκ ἐφύλαξε δόμουσ. καὶ μετ’ ὀλίγα περὶ τῆσ τελευτῆσ· τὴν δ’ οὔτ’ ἄρ’ Βόιοί τε καὶ ἔθνεα μυρία Κελτῶν χηράμενοι ῥείθρων ἐντὸσ ἔθεντο Πάδου, ὅπλα δ’ ἐπιπροβαλόντεσ ἀρειμανέων ἀπὸ χειρῶν κούρῃ ἐπὶ στυγερῇ κόσμον ἔθεντο φόνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 17

(플루타르코스, chapter 17)

상위

목록

SEARCH

MENU NAVIGATION