헬라어 문장 검색 - Πλυταρ́Ρομυλυσ́16́

(플루타르코스, chapter 16)

οἱ δὲ Σαβῖνοι πολλοὶ μὲν ἦσαν καὶ πολεμικοί, κώμασ δ’ ᾤκουν ἀτειχίστουσ, ὡσ προσῆκον αὐτοῖσ μέγα φρονεῖν καὶ μὴ φοβεῖσθαι, Λακεδαιμονίων ἀποίκοισ οὖσιν. οὐ μὴν ἀλλ’ ὁρῶντεσ αὑτοὺσ ἐνδεδεμένουσ μεγάλοισ ὁμηρεύμασι, καὶ δεδιότεσ περὶ τῶν θυγατέρων, πρέσβεισ ἀπέστειλαν ἐπιεικῆ καὶ μέτρια προκαλούμενοι, τὸν Ῥωμύλον ἀποδόντα τὰσ κόρασ αὐτοῖσ καὶ λύσαντα τὸ τῆσ βίασ ἔργον, εἶτα πειθοῖ καὶ νόμῳ πράττειν τοῖσ γένεσι φιλίαν καὶ οἰκειότητα.

οἱ μὲν ἄλλοι βουλευόμενοι καὶ παρασκευαζόμενοι διέτριβον, Ἄκρων δὲ βασιλεὺσ Καινινητῶν, ἀνὴρ θυμοειδὴσ καὶ δεινὸσ ἐν τοῖσ πολεμικοῖσ, τά τε πρῶτα τολμήματα τοῦ Ῥωμύλου δι’ ὑποψίασ εἶχε, καὶ τῷ πραχθέντι περὶ τὰσ γυναῖκασ ἤδη φοβερὸν ἡγούμενοσ πᾶσιν εἶναι καὶ οὐκ ἀνεκτὸν εἰ μὴ κολασθείη, προεξανέστη τῷ πολέμῳ καὶ μετὰ πολλῆσ ἐχώρει δυνάμεωσ ἐπ’ αὐτόν, καὶ ὁ Ῥωμύλοσ ἐπ’ ἐκεῖνον.

γενόμενοι δ’ ἐν ὄψει καὶ κατιδόντεσ ἀλλήλουσ προὐκαλοῦντο μάχεσθαι, τῶν στρατευμάτων ἐν τοῖσ ὅπλοισ ἀτρεμούντων.

εὐξάμενοσ οὖν ὁ Ῥωμύλοσ, εἰ κρατήσειε καὶ καταβάλοι, τῷ Διὶ φέρων ἀναθήσειν αὐτὸσ τὰ ὅπλα τοῦ ἀνδρόσ, αὐτόν τε καταβάλλει κρατήσασ, καὶ τρέπεται τὸ στράτευμα μάχησ γενομένησ, αἱρεῖ δὲ καὶ τὴν πόλιν. οὐ μὴν ἠδίκησε τοὺσ ἐγκαταληφθέντασ, ἀλλ’ ἢ τὰσ οἰκίασ ἐκέλευσε καθελόντασ ἀκολουθεῖν εἰσ Ῥώμην, ὡσ πολίτασ ἐπὶ τοῖσ ἴσοισ ἐσομένουσ. τούτου μὲν οὖν οὐκ ἔστιν ὅ τι μᾶλλον ηὔξησε τὴν Ῥώμην, ἀεὶ προσποιοῦσαν ἑαυτῇ καὶ συννέμουσαν ὧν κρατήσειεν.

ὁ δὲ Ῥωμύλοσ, ὡσ ἂν μάλιστα τὴν εὐχὴν τῷ τε Διὶ κεχαρισμένην καὶ τοῖσ πολίταισ ἰδεῖν ἐπιτερπῆ παράσχοι σκεψάμενοσ, ἐπὶ στρατοπέδου δρῦν ἔτεμεν ὑπερμεγέθη καὶ διεμόρφωσεν ὥσπερ τρόπαιον, καὶ τῶν ὅπλων τοῦ Ἄκρωνοσ ἕκαστον ἐν τάξει περιήρμοσε καὶ κατήρτησεν, αὐτὸσ δὲ τὴν μὲν ἐσθῆτα περιεζώσατο, δάφνῃ δ’ ἐστέψατο τὴν κεφαλὴν κομῶσαν. ὑπολαβὼν δὲ τῷ δεξιῷ τὸ τρόπαιον ὤμῳ προσερειδόμενον ὀρθόν, ἐβάδιζεν ἐξάρχων ἐπινικίου παιᾶνοσ ἐν ὅπλοισ ἑπομένῃ τῇ στρατιᾷ, δεχομένων τῶν πολιτῶν μετὰ χαρᾶσ καὶ θαύματοσ.

ἡ μὲν οὖν πομπὴ τῶν αὖθισ θριάμβων ἀρχὴν καὶ ζῆλον παρέσχε, τὸ δὲ τρόπαιον ἀνάθημα Φερετρίου Διὸσ ἐπωνομάσθη ‐ τὸ γὰρ πλῆξαι φερῖρε Ῥωμαῖοι καλοῦσιν, εὔξατο δὲ πλῆξαι τὸν ἄνδρα καὶ καταβαλεῖν ‐ , ὀπίμια δὲ τὰ σκῦλα, φησὶ Βάρρων, καθότι καὶ τὴν περιουσίαν ὄπεμ λέγουσι. πιθανώτερον δ’ ἄν τισ εἴποι διὰ τὴν πρᾶξιν·

ὄπουσ γὰρ ὀνομάζεται τὸ ἔργον, αὐτουργῷ δ’ ἀριστείασ στρατηγῷ, στρατηγὸν ἀνελόντι, δέδοται καθιέρωσισ ὀπιμίων. καὶ τρισὶ μόνοισ τούτου τυχεῖν ὑπῆρξε Ῥωμαίοισ ἡγεμόσι, πρώτῳ Ῥωμύλῳ κτείναντι τὸν Καινινήτην Ἄκρωνα, δευτέρῳ Κορνηλίῳ Κόσσῳ Τυρρηνὸν ἀνελόντι Τολούμνιον, ἐπὶ πᾶσι δὲ Κλαυδίῳ Μαρκέλλῳ Βριτομάρτου κρατήσαντι Γαλατῶν βασιλέωσ. Κόσσοσ μὲν οὖν καὶ Μάρκελλοσ ἤδη τεθρίπποισ εἰσήλαυνον, αὐτοὶ τὰ τρόπαια φέροντεσ·

Ῥωμύλον δ’ οὐκ ὀρθῶσ φησιν ἁρ́ματι χρήσασθαι Διονύσιοσ. Ταρκύνιον γὰρ ἱστοροῦσι τὸν Δημαράτου τῶν βασιλέων πρῶτον εἰσ τοῦτο τὸ σχῆμα καὶ τὸν ὄγκον ἐξᾶραι τοὺσ θριάμβουσ· ἕτεροι δὲ πρῶτον ἐφ’ ἁρ́ματοσ θριαμβεῦσαι Ποπλικόλαν. τοῦ δὲ Ῥωμύλου τὰσ εἰκόνασ ὁρᾶν ἔστιν ἐν Ῥώμῃ τὰσ τροπαιοφόρουσ πεζὰσ ἁπάσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 16

(플루타르코스, chapter 16)

상위

목록

SEARCH

MENU NAVIGATION