헬라어 문장 검색 - Πλυταρ́Περιξλέ27́

(플루타르코스, Περικλῆς, chapter 27)

πυθόμενοσ δ’ οὖν ὁ Περικλῆσ τὴν ἐπὶ στρατοπέδου συμφορὰν ἐβοήθει κατὰ τάχοσ καὶ τοῦ Μελίσσου πρὸσ αὐτὸν ἀντιταξαμένου κρατήσασ καὶ τρεψάμενοσ τοὺσ πολεμίουσ εὐθὺσ περιετείχιζε, δαπάνῃ καὶ χρόνῳ μᾶλλον ἢ τραύμασι καὶ κινδύνοισ τῶν πολιτῶν περιγενέσθαι καὶ συνελεῖν τὴν πόλιν βουλόμενοσ. ἐπεὶ δὲ δυσχεραίνοντασ τῇ τριβῇ τοὺσ Ἀθηναίουσ καὶ μάχεσθαι προθυμουμένουσ ἔργον ἦν κατασχεῖν, ὀκτὼ μέρη διελὼν τὸ πᾶν πλῆθοσ ἀπεκλήρου, καὶ τῷ λαβόντι τὸν λευκὸν κύαμον εὐωχεῖσθαι καὶ σχολάζειν παρεῖχε τῶν ἄλλων μαχομένων.

διὸ καί φασι τοὺσ ἐν εὐπαθείαισ τισὶ γενομένουσ λευκὴν ἡμέραν ἐκείνην ἀπὸ τοῦ λευκοῦ κυάμου προσαγορεύειν. ἔφοροσ δὲ καὶ μηχαναῖσ χρήσασθαι τὸν Περικλέα, τὴν καινότητα θαυμάσαντα, Ἀρτέμωνοσ τοῦ μηχανικοῦ παρόντοσ, ὃν χωλὸν ὄντα καὶ φορείῳ πρὸσ τὰ κατεπείγοντα τῶν ἔργων προσκομιζόμενον ὀνομασθῆναι περιφόρητον.

τοῦτο μὲν οὖν Ἡρακλείδησ ὁ Ποντικὸσ ἐλέγχει τοῖσ Ἀνακρέοντοσ ποιήμασιν, ἐν οἷσ ὁ περιφόρητοσ Ἀρτέμων ὀνομάζεται πολλαῖσ ἔμπροσθεν ἡλικίαισ τοῦ περὶ Σάμον πολέμου καὶ τῶν πραγμάτων ἐκείνων· τὸν δ’ Ἀρτέμωνά φησι τρυφερόν τινα τῷ βίῳ καὶ πρὸσ τοὺσ φόβουσ μαλακὸν ὄντα καὶ καταπλῆγα τὰ πολλὰ μὲν οἴκοι καθέζεσθαι, χαλκῆν ἀσπίδα τῆσ κεφαλῆσ αὐτοῦ δυεῖν οἰκετῶν ὑπερεχόντων, ὥστε μηδὲν ἐμπεσεῖν τῶν ἄνωθεν, εἰ δὲ βιασθείη προελθεῖν, ἐν κλινιδίῳ κρεμαστῷ παρὰ τὴν γῆν αὐτὴν περιφερόμενον κομίζεσθαι, καὶ διὰ τοῦτο κληθῆναι περιφόρητον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Περικλῆς, chapter 27

(플루타르코스, Περικλῆς, chapter 27)

상위

목록

SEARCH

MENU NAVIGATION