헬라어 문장 검색 - Πλυταρ́Πελοπιδ́07́

(플루타르코스, Pelopidas, chapter 7)

ἀλλὰ κινδυνευτέον ὑπὲρ τῶν μεγίστων, παράδειγμα θεμένουσ τὴν Θρασυβούλου τόλμαν καὶ ἀρετήν, ἵνα, ὡσ ἐκεῖνοσ ἐκ Θηβῶν πρότερον ὁρμηθεὶσ κατέλυσε τοὺσ ἐν Ἀθήναισ τυράννουσ, οὕτωσ αὐτοὶ πάλιν ἐξ Ἀθηνῶν προελθόντεσ ἐλευθερώσωσι τὰσ Θήβασ, ὡσ οὖν ἔπεισε ταῦτα λέγων, πέμπουσιν εἰσ Θήβασ κρύφα πρὸσ τοὺσ ὑπολελειμμένουσ τῶν φίλων τὰ δεδογμένα φράζοντεσ. οἱ δὲ συνεπῄνουν καὶ Χάρων μέν, ὅσπερ ἦν ἐπιφανέστατοσ, ὡμολόγησε τὴν οἰκίαν παρέξειν, Φιλλίδασ δὲ διεπράξατο τῶν περὶ Ἀρχίαν καὶ Φίλιππον γραμματεὺσ γενέσθαι πολεμαρχούντων.

Ἐπαμεινώνδασ δὲ τοὺσ νέουσ πάλαι φρονήματοσ ἦν ἐμπεπληκώσ· ἐκέλευε γὰρ ἐν τοῖσ γυμνασίοισ ἐπιλαμβάνεσθαι τῶν Λακεδαιμονίων καὶ παλαίειν, εἶτα ὁρῶν ἐπὶ τῷ κρατεῖν καὶ περιεῖναι γαυρουμένουσ ἐπέπληττεν, ὡσ αἰσχύνεσθαι μᾶλλον αὐτοῖσ προσῆκον, εἰ δουλεύουσι δι’ ἀνανδρίαν ὧν τοσοῦτον ταῖσ ῥώμαισ διαφέρουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Pelopidas, chapter 7

(플루타르코스, Pelopidas, chapter 7)

상위

목록

SEARCH

MENU NAVIGATION