헬라어 문장 검색 - Πλυταρ́Αλξιβιά17́

(플루타르코스, Ἀλκιβιάδης, chapter 17)

Σικελίασ δὲ καὶ Περικλέουσ ἔτι ζῶντοσ ἐπεθύμουν Ἀθηναῖοι, καὶ τελευτήσαντοσ ἥπτοντο, καὶ τὰσ λεγομένασ βοηθείασ καὶ συμμαχίασ ἔπεμπον ἑκάστοτε τοῖσ ἀδικουμένοισ ὑπὸ Συρακουσίων ἐπιβάθρασ τῆσ μείζονοσ στρατείασ τιθέντεσ. ὁ δὲ παντάπασι τὸν ἔρωτα τοῦτον ἀναφλέξασ αὐτῶν, καὶ πείσασ μὴ κατὰ μέροσ μηδὲ κατὰ μικρόν, ἀλλὰ μεγάλῳ στόλῳ πλεύσαντασ ἐπιχειρεῖν καὶ καταστρέφεσθαι τὴν νῆσον, Ἀλκιβιάδησ ἦν, τόν τε δῆμον μεγάλα πείσασ ἐλπίζειν, αὐτόσ τε μειζόνων ὀρεγόμενοσ.

ἀρχὴν γὰρ εἶναι, πρὸσ ἃ ἠλπίκει, διενοεῖτο τῆσ στρατείασ, οὐ τέλοσ, ὥσπερ οἱ λοιποί, Σικελίαν. καὶ Νικίασ μὲν ὡσ χαλεπὸν ἔργον ὂν τὰσ Συρακούσασ ἑλεῖν ἀπέτρεπε τὸν δῆμον, Ἀλκιβιάδησ δὲ Καρχηδόνα καὶ Λιβύην ὀνειροπολῶν, ἐκ δὲ τούτων προσγενομένων Ἰταλίαν καὶ Πελοπόννησον ἤδη περιβαλλόμενοσ, ὀλίγου δεῖν ἐφόδια τοῦ πολέμου Σικελίαν ἐποιεῖτο.

καὶ τοὺσ μὲν νέουσ αὐτόθεν εἶχεν ἤδη ταῖσ ἐλπίσιν ἐπηρμένουσ, τῶν δὲ πρεσβυτέρων ἠκροῶντο πολλὰ θαυμάσια περὶ τῆσ στρατείασ περαινόντων, ὥστε πολλοὺσ ἐν ταῖσ παλαίστραισ καὶ τοῖσ ἡμικυκλίοισ καθέζεσθαι τῆσ τε νήσου τὸ σχῆμα καὶ θέσιν Λιβύησ καὶ Καρχηδόνοσ ὑπογράφοντασ. Σωκράτη μέντοι τὸν φιλόσοφον καὶ Μέτωνα τὸν ἀστρολόγον οὐδὲν ἐλπίσαι τῇ πόλει χρηστὸν ἀπὸ τῆσ στρατείασ ἐκείνησ λέγουσιν, ὁ μέν, ὡσ ἐοίκε, τοῦ συνήθουσ δαιμονίου γενομένου καὶ προσημαίνοντοσ, ὁ δὲ Μέτων εἴτε δείσασ ἐκ λογισμοῦ τὸ μέλλον εἴτε μαντικῆσ τινι τρόπῳ χρησάμενοσ ἐσκήψατο μεμηνέναι, καὶ λαβὼν δᾷδα καιομένην οἱο͂σ ἦν αὑτοῦ τὴν οἰκίαν ὑφάπτειν.

ἔνιοι δέ φασι προσποίημα μὲν μανίασ μηδὲν ἐσκευάσθαι τὸν Μέτωνα, καταπρῆσαι δὲ τὴν οἰκίαν νύκτωρ, εἶθ’ ἑώθεν προελθόντα δεῖσθαι καὶ ἀντιβολεῖν ἐπὶ συμφορᾷ τηλικαύτῃ τὸν υἱὸν αὐτῷ παρεθῆναι τῆσ στρατείασ.

ἐκεῖνοσ μὲν οὖν ἔτυχεν ὧν ἠξίου, παρακρουσάμενοσ τοὺσ πολίτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 17

(플루타르코스, Ἀλκιβιάδης, chapter 17)

상위

목록

SEARCH

MENU NAVIGATION