헬라어 문장 검색 - Πλυταρ́Αλξιβιά08́

(플루타르코스, Ἀλκιβιάδης, chapter 8)

Ἱππονίκῳ δὲ τῷ Καλλιου πατρί, καὶ δόξαν ἔχοντι μεγάλην καὶ δύναμιν ἀπὸ πλούτου καὶ γένουσ, ἐνέτριψε κόνδυλον, οὐχ ὑπ’ ὀργῆσ ἢ διαφορᾶσ τινοσ προαχθείσ, ἀλλ’ ἐπὶ γέλωτι, συνθέμενοσ πρὸσ τοὺσ ἑταίρουσ. περιβοήτου δὲ τῆσ ἀσελγείασ ἐν τῇ πόλει γενομένησ καὶ συναγανακτούντων, ὥσπερ εἰκόσ, ἁπάντων, ἅμ’ ἡμέρᾳ παρῆν ὁ Ἀλκιβιάδησ ἐπὶ τὴν οἰκίαν τοῦ Ἱππονίκου, καὶ τὴν θύραν κόψασ εἰσῆλθε πρὸσ αὐτὸν καὶ θεὶσ τὸ ἱμάτιον παρεδίδου τὸ σῶμα, μαστιγοῦν καὶ κολάζειν κελεύων. ὁ δὲ συνέγνω καὶ τὴν ὀργὴν ἀφῆκεν, ὕστερον δὲ τῆσ θυγατρὸσ Ἱππαρέτησ ἐποιήσατο νυμφίον.

ἔνιοι δέ φασιν, οὐχ Ἱππόνικον, ἀλλὰ Καλλίαν, τὸν υἱὸν αὐτοῦ, δοῦναι τῷ Ἀλκιβιάδῃ τὴν Ἱππαρέτην ἐπὶ δέκα ταλάντοισ· εἶτα μέντοι τεκούσησ ἄλλα πάλιν δέκα προσεισπρᾶξαι τὸν Ἀλκιβιάδην, ὡσ τοῦτο συνθέμενον εἰ γένοιντο παῖδεσ. ὁ δὲ Καλλίασ ἐπιβουλὴν δεδοικὼσ προσῆλθε τῷ δήμῳ τὰ χρήματα διδοὺσ καὶ τὸν οἶκον, ἄνπερ αὐτῷ συμπέσῃ μὴ καταλιπόντι γενεὰν ἀποθανεῖν. εὔτακτοσ δ’ οὖσα καὶ φίλανδροσ ἡ Ἱππαρέτη, λυπουμένη δ’ ὑπ’ αὐτοῦ περὶ τὸν γάμον ἑταίραισ ξέναισ καὶ ἀσταῖσ συνόντοσ, ἐκ τῆσ οἰκίασ ἀπιοῦσα πρὸσ τὸν ἀδελφὸν ᾤχετο. τοῦ δ’ Ἀλκιβιάδου μὴ φροντίζοντοσ, ἀλλὰ τρυφῶντοσ, ἔδει τὸ τῆσ ἀπολείψεωσ γράμμα παρὰ τῷ ἄρχοντι θέσθαι, μὴ δι’ ἑτέρων, ἀλλ’ αὐτὴν παροῦσαν.

ὡσ οὖν παρῆν τοῦτο πράξουσα κατὰ τὸν νόμον, ἐπελθὼν ὁ Ἀλκιβιάδησ καὶ συναρπάσασ αὐτὴν ἀπῆλθε δι’ ἀγορᾶσ οἴκαδε κομίζων, μηδενὸσ ἐναντιωθῆναι μηδ’ ἀφελέσθαι τολμήσαντοσ.

ἔμεινε μέντοι παρ’ αὐτῷ μέχρι τελευτῆσ, ἐτελεύτησε δὲ μετ’ οὐ πολὺν χρόνον εἰσ Ἔφεσον τοῦ Ἀλκιβιάδου πλεύσαντοσ. αὕτη μὲν οὖν οὐ παντελῶσ ἔδοξεν ἡ βία παράνομοσ οὐδ’ ἀπάνθρωποσ εἶναι·

καὶ γὰρ ὁ νόμοσ δοκεῖ διὰ τοῦτο προάγειν τὴν ἀπολείπουσαν εἰσ τὸ δημόσιον αὐτήν, ὅπωσ ἐγγένηται τῷ ἀνδρὶ συμβῆναι καὶ κατασχεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀλκιβιάδης, chapter 8

(플루타르코스, Ἀλκιβιάδης, chapter 8)

상위

목록

SEARCH

MENU NAVIGATION