헬라어 문장 검색 - Παυσαν́Δεσξριπ́7́18́

(파우사니아스, Description of Greece, Ἀχαικά, chapter 18)

σταδίουσ δὲ ὅσον τεσσαράκοντα προελθόντι ἐκ Δύμησ ποταμὸσ Πεῖροσ ἐσ θάλατταν κάτεισι, καὶ Ἀχαιῶν πόλισ ποτὲ Ὤλενοσ ᾠκεῖτο παρὰ τῷ Πείρῳ. ὁπόσοι δὲ ἐσ Ἡρακλέα καὶ τὰ ἔργα αὐτοῦ πεποιήκασιν, ἔστιν οὐκ ἐλάχιστά σφισι δείγματα τοῦ λόγου Δεξαμενὸσ ὁ ἐν Ὠλένῳ βασιλεὺσ καὶ ὁποίων Ἡρακλῆσ παρ’ αὐτῷ ξενίων ἔτυχε. καὶ ὅτι μὲν ἦν πόλισμα ἐξ ἀρχῆσ μικρὸν ἡ Ὤλενοσ, μαρτυρεῖ τῷ λόγῳ μου καὶ ἐλεγεῖον ἐσ Εὐρυτίωνα Κένταυρον ὑπὸ Ἑρμησιάνακτοσ πεποιημένον· ἀνὰ χρόνον δὲ τοὺσ οἰκήτορασ ἐκλιπεῖν ὑπὸ ἀσθενείασ φασὶ τὴν Ὤλενον καὶ ἐσ Πειράσ τε καὶ ἐσ Εὐρυτειὰσ ἀποχωρῆσαι. τοῦ δὲ Πείρου ποταμοῦ περὶ τοὺσ ὀγδοήκοντα ἀφέστηκε σταδίουσ Πατρέων ἡ πόλισ·

οὐ πόρρω δὲ αὐτῆσ ποταμὸσ Γλαῦκοσ ἐκδίδωσιν ἐσ θάλασσαν. Πατρέων δὲ οἱ τὰ ἀρχαιότατα μνημονεύοντέσ φασιν Εὔμηλον αὐτόχθονα οἰκῆσαι πρῶτον ἐν τῇ χώρᾳ, βασιλεύοντα αὐτὸν ἀνθρώπων οὐ πολλῶν. Τριπτολέμου δὲ ἐκ τῆσ Ἀττικῆσ ἀφικομένου τόν τε καρπὸν λαμβάνει τὸν ἥμερον καὶ οἰκίσαι διδαχθεὶσ πόλιν Ἀρόην ὠνόμασεν ἐπὶ τῇ ἐργασίᾳ τῆσ γῆσ. ὡσ δὲ πρὸσ ὕπνον ἐτράπετο ὁ Τριπτόλεμοσ, ἐνταῦθα Ἀνθείαν παῖδα Εὐμήλου τοὺσ δράκοντάσ φασιν ὑπὸ τοῦ Τριπτολέμου τὸ ἁρ́μα ζεύξαντα ἐθελῆσαι καὶ αὐτὸν σπεῖραι·

δὲ καὶ Εὔμηλοσ Ἄνθειαν πόλιν οἰκίζουσιν ἐν κοινῷ, τοῦ Εὐμήλου παιδὸσ ἐπώνυμον.

ᾠκίσθη δὲ καὶ τρίτη μεταξὺ Ἀνθείασ καὶ Ἀρόησ Μεσάτισ πόλισ.

ὁπόσα δὲ οἱ Πατρεῖσ περὶ Διονύσου λέγουσι, τραφῆναί τε αὐτὸν ἐν τῇ Μεσάτει καὶ ἐνταῦθα ἐπιβουλευθέντα ὑπὸ Τιτάνων ἐσ παντοῖον ἀφικέσθαι κίνδυνον, οὐκ ἐναντιούμενοσ τοῖσ Πατρεῦσιν τῆσ Μεσάτεωσ τὸ ὄνομα αὐτοῖσ σφισιν ἐξηγεῖσθαι παρίημι. Ἀχαιῶν δὲ ὕστερον ἐκβαλόντων Ιὤνασ, Πατρεὺσ ὁ Πρευγένουσ τοῦ Ἀγήνοροσ ἐσ μὲν Ἄνθειαν καὶ ἐσ Μεσάτιν μὴ ἐνοικίζεσθαι τοῖσ Ἀχαιοῖσ ἀπεῖπε, περίβολον δὲ τείχουσ πρὸσ τῇ Ἀρόῃ βαλόμενοσ μείζονα, ἵνα ἐντόσ οἱ τοῦ περιβόλου καὶ ἡ Ἀρόη γένηται, ὄνομα ἔθετο ἀφ’ ἑαυτοῦ Πάτρασ τῇ πόλει.

Ἀγήνωρ δὲ ὁ πατὴρ τοῦ Πρευγένουσ Ἀρέωσ παῖσ ἦν τοῦ Ἄμπυκοσ, ὁ δὲ Ἄμπυξ Πελίου τοῦ Αἰγινήτου τοῦ Δηρείτου τοῦ Ἁρπάλου τοῦ Ἀμύκλα τοῦ Λακεδαίμονοσ. Πατρεῖ μὲν τοιαῦτα ἐσ τοὺσ προγόνουσ ὑπάρχοντα ἦν·

ἰδίᾳ δὲ ἀνὰ χρόνον Πατρεῖσ διέβησαν ἐσ Αἰτωλίαν Ἀχαιῶν μόνοι κατὰ φιλίαν τὴν Αἰτωλῶν, τὸν πόλεμόν σφισι τὸν πρὸσ Γαλάτασ συνδιοίσοντεσ. προσπταίσαντεσ δ’ ἐν ταῖσ μάχαισ λόγου μειζόνωσ καὶ ὑπὸ πενίασ ἅμα οἱ πολλοὶ πιεζόμενοι Πάτρασ μὲν πλὴν ὀλίγων τινῶν ἐκλείπουσιν· οἱ δὲ ἄλλοι κατὰ χώραν ὑπὸ φιλεργίασ ἐσκεδάσθησαν καὶ πολίσματα παρὲξ αὐτὰσ Πάτρασ τοσάδε ἄλλα ᾤκησαν, Μεσάτιν καὶ Ἄνθειαν καὶ Βολίνην καὶ Ἀργυρᾶν τε καὶ Ἄρβαν. Αὔγουστοσ δὲ ἢ τοῦ παράπλου νομίζων κεῖσθαι καλῶσ τὰσ Πάτρασ ἢ κατ’ ἄλλην τινὰ αἰτίαν ἐπανήγαγεν αὖθισ ἐκ τῶν πολισμάτων τῶν ἄλλων τοὺσ ἄνδρασ ἐσ τὰσ Πάτρασ, προσσυνῴκισε δέ σφισι καὶ Ἀχαιοὺσ τοὺσ ἐκ Ῥυπῶν, καταβαλὼν ἐσ ἔδαφοσ Ῥύπασ·

καὶ ἔδωκε μὲν ἐλευθέροισ Ἀχαιῶν μόνοισ τοῖσ Πατρεῦσιν εἶναι, ἔδωκε δὲ καὶ ἐσ τὰ ἄλλα γέρα σφίσιν, ὁπόσα τοῖσ ἀποίκοισ νέμειν οἱ Ῥωμαῖοι νομίζουσι.

Πατρεῦσι δὲ ἐν ἄκρᾳ τῇ πόλει Λαφρίασ ἱερόν ἐστιν Ἀρτέμιδοσ·

ξενικὸν μὲν τῇ θεῷ τὸ ὄνομα, ἐσηγμένον δὲ ἑτέρωθεν καὶ τὸ ἄγαλμα. Καλυδῶνοσ γὰρ καὶ Αἰτωλίασ τῆσ ἄλλησ ὑπὸ Αὐγούστου βασιλέωσ ἐρημωθείσησ διὰ τὸ τὴν ἐσ <τὴν> Νικόπολιν τὴν ὑπὲρ τοῦ Ἀκτίου συνοικίζεσθαι καὶ τὸ Αἰτωλικόν, οὕτω τὸ ἄγαλμα τῆσ Λαφρίασ οἱ Πατρεῖσ ἔσχον. ὡσαύτωσ δὲ καὶ ὅσα ἄλλα ἀγάλματα ἔκ τε Αἰτωλίασ καὶ παρὰ Ἀκαρνάνων, τὰ μὲν πολλὰ ἐσ τὴν Νικόπολιν κομισθῆναι, Πατρεῦσι δὲ ὁ Αὔγουστοσ ἄλλα τε τῶν ἐκ Καλυδῶνοσ λαφύρων καὶ δὴ καὶ τῆσ Λαφρίασ ἔδωκε τὸ ἄγαλμα, ὃ δὴ καὶ ἐσ ἐμὲ ἔτι ἐν τῇ ἀκροπόλει τῇ Πατρέων εἶχε τιμάσ.

γενέσθαι δὲ ἐπίκλησιν τῇ θεῷ Λαφρίαν ἀπὸ ἀνδρὸσ Φωκέωσ φασί· Λάφριον γὰρ τὸν Κασταλίου τοῦ Δελφοῦ Καλυδωνίοισ ἱδρύσασθαι τὸ ἄγαλμα τῆσ Ἀρτέμιδοσ τὸ ἀρχαῖον, οἱ δὲ τῆσ Ἀρτέμιδοσ τὸ μήνιμα τὸ ἐσ Οἰνέα ἀνὰ χρόνον τοῖσ Καλυδωνίοισ ἐλαφρότερον γενέσθαι λέγουσι καὶ αἰτίαν τῇ θεῷ τῆσ ἐπικλήσεωσ ἐθέλουσιν εἶναι ταύτην. τὸ μὲν σχῆμα τοῦ ἀγάλματοσ θηρεύουσά ἐστιν, ἐλέφαντοσ δὲ καὶ χρυσοῦ πεποίηται, Ναυπάκτιοι δὲ Μέναιχμοσ καὶ Σοί̈δασ εἰργάσαντο·

τεκμαίρονται σφᾶσ Κανάχου τοῦ Σικυωνίου καὶ τοῦ Αἰγινήτου Κάλλωνοσ οὐ πολλῷ γενέσθαι τινὶ ἡλικίαν ὑστέρουσ.

ἄγουσι δὲ καὶ Λάφρια ἑορτὴν τῇ Ἀρτέμιδι οἱ Πατρεῖσ ἀνὰ πᾶν ἔτοσ, ἐν ᾗ τρόποσ ἐπιχώριοσ θυσίασ ἐστὶν αὐτοῖσ.

περὶ μὲν τὸν βωμὸν ἐν κύκλῳ ξύλα ἱστᾶσιν ἔτι χλωρὰ καὶ ἐσ ἑκκαίδεκα ἕκαστον πήχεισ· ἐντὸσ δὲ ἐπὶ τοῦ βωμοῦ τὰ αὐότατά σφισι τῶν ξύλων κεῖται. μηχανῶνται δὲ ὑπὸ τὸν καιρὸν τῆσ ἑορτῆσ καὶ ἄνοδον ἐπὶ τὸν βωμὸν λειοτέραν, ἐπιφέροντεσ γῆν ἐπὶ τοῦ βωμοῦ τοὺσ ἀναβασμούσ. πρῶτα μὲν δὴ πομπὴν μεγαλοπρεπεστάτην τῇ Ἀρτέμιδι πομπεύουσι, καὶ ἡ ἱερωμένη παρθένοσ ὀχεῖται τελευταία τῆσ πομπῆσ ἐπὶ ἐλάφων ὑπὸ τὸ ἁρ́μα ἐζευγμένων·

ἐσ δὲ τὴν ἐπιοῦσαν τηνικαῦτα ἤδη δρᾶν τὰ ἐσ τὴν θυσίαν νομίζουσι, δημοσίᾳ τε ἡ πόλισ καὶ οὐχ ἧσσον ἐσ τὴν ἑορτὴν οἱ ἰδιῶται φιλοτίμωσ ἔχουσιν. ἐσβάλλουσι γὰρ ζῶντασ ἐσ τὸν βωμὸν ὄρνιθάσ τε τοὺσ ἐδωδίμουσ καὶ ἱερεῖα ὁμοίωσ ἅπαντα, ἔτι δὲ ὗσ ἀγρίουσ καὶ ἐλάφουσ τε καὶ δορκάδασ, οἱ δὲ καὶ λύκων καὶ ἄρκτων σκύμνουσ, οἱ δὲ καὶ τὰ τέλεια τῶν θηρίων· κατατιθέασι δὲ ἐπὶ τὸν βωμὸν καὶ δένδρων καρπὸν τῶν ἡμέρων. τὸ δὲ ἀπὸ τούτου πῦρ ἐνιᾶσιν ἐσ τὰ ξύλα.

ἐνταῦθά που καὶ ἄρκτον καὶ ἄλλο τι ἐθεασάμην τῶν ζῴων, τὰ μὲν ὑπὸ τὴν πρώτην ὁρμὴν τοῦ πυρὸσ βιαζόμενα ἐσ τὸ ἐκτόσ, τὰ δὲ καὶ ἐκφεύγοντα ὑπὸ ἰσχύοσ· τὴν πυράν.

τρωθῆναι δὲ οὐδένα ὑπὸ <τῶν> θηρίων μνημονεύουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἀχαικά, chapter 18

(파우사니아스, Description of Greece, Ἀχαικά, chapter 18)

상위

목록

SEARCH

MENU NAVIGATION