헬라어 문장 검색 - Παυσαν́Δεσξριπ́6́24́

(파우사니아스, Description of Greece, Ἠλιακῶν Β, chapter 24)

ἑτέρα δὲ ἔξοδοσ ἐκ τοῦ γυμνασίου φέρει μὲν ἔσ τε τὴν ἀγορὰν καὶ ἐπὶ τὸν Ἑλλανοδικαιῶνα καλούμενον, ἔστι δὲ ὑπὲρ τοῦ Ἀχιλλέωσ τὸν τάφον· καὶ ταύτῃ τοὺσ Ἑλλανοδίκασ ἰέναι καθέστηκεν ἐσ τὸ γυμνάσιον. ἐσίασι δὲ πρὶν μὲν ἥλιον ἀνίσχειν συμβαλοῦντεσ δρομέασ, μεσούσησ δὲ τῆσ ἡμέρασ ἐπὶ τὸ πένταθλον καὶ ὅσα βαρέα ἆθλα ὀνομάζουσιν. ἡ δὲ ἀγορὰ τοῖσ Ἠλείοισ οὐ κατὰ τὰσ Ιὤνων καὶ ὅσαι πρὸσ Ιὠνίᾳ πόλεισ εἰσὶν Ἑλλήνων, τρόπῳ δὲ πεποίηται τῷ ἀρχαιοτέρῳ στοαῖσ τε ἀπὸ ἀλλήλων διεστώσαισ καὶ ἀγυιαῖσ δι’ αὐτῶν.

ὄνομα δὲ τῇ ἀγορᾷ τὸ ἐφ’ ἡμῶν ἐστιν Ἱππόδρομοσ, καὶ οἱ ἐπιχώριοι τοὺσ ἵππουσ παιδεύουσιν ἐνταῦθα. τῶν στοῶν δὲ ἡ πρὸσ μεσημβρίαν ἐργασίασ ἐστὶ τῆσ Δωρίου, διαιροῦσι δὲ αὐτὴν ἐσ μοίρασ τρεῖσ οἱ κίονεσ·

ἐν ταύτῃ διημερεύουσι τὰ πολλὰ οἱ Ἑλλανοδίκαι. ποιοῦνται δὲ πρὸσ αὐτοῖσ καὶ βωμοὺσ τῷ Διί, καὶ εἰσὶν ἐν τῷ ὑπαίθρῳ τῆσ ἀγορᾶσ οἱ βωμοὶ πλῆθοσ οὐ πολλοί·

καταλύονται γὰρ οὐ χαλεπῶσ ἅτε αὐτοσχεδίωσ οἰκοδομούμενοι. κατὰ ταύτην τὴν στοὰν ἰόντι ἐσ τὴν ἀγορὰν ἔστιν ἐν ἀριστερᾷ παρὰ τὸ πέρασ τῆσ στοᾶσ ὁ Ἑλλανοδικαιών· ἀγυιὰ δὲ ἡ διείργουσα ἀπὸ τῆσ ἀγορᾶσ ἐστιν αὐτόν. ἐν τούτῳ τῷ Ἑλλανοδικαιῶνι οἰκοῦσι δέκα ἐφεξῆσ μῆνασ οἱ αἱρεθέντεσ ἑλλανοδικεῖν καὶ ὑπὸ τῶν νομοφυλάκων ὅσα ἐσ τὸν ἀγῶνα σφᾶσ <δεῖ ποιεῖν> διδάσκονται. τῇ στοᾷ δὲ ἔνθα οἱ Ἑλλανοδίκαι διημερεύουσιν ἔστιν ἐγγὺσ ἄλλη στοά·

τὸ μεταξὺ αὐτῶν ἀγυιὰ μία. ταύτην ὀνομάζουσι Κορκυραϊκὴν οἱ Ἠλεῖοι· ναυσὶ γὰρ ἐσ τὴν σφετέραν Κορκυραίουσ ἐλθόντασ ἐλάσαι μοῖραν τῆσ λείασ λέγοντεσ λαβεῖν τε ἐκ τῆσ Κορκυραίων πολλαπλάσια καὶ οἰκοδομήσασθαι τὴν στοὰν ἀπὸ τῶν λαφύρων τῆσ δεκάτησ. ἔστι δὲ ἡ κατασκευὴ τῆσ στοᾶσ Δώριοσ καὶ διπλῆ, τῇ μὲν ἐσ τὴν ἀγορὰν τοὺσ κίονασ, τῇ δὲ ἐσ τὰ ἐπέκεινα τῆσ ἀγορᾶσ ἔχουσα·

κατὰ μέσον δὲ αὐτῆσ οὐ κίονεσ, ἀλλὰ τοῖχοσ ὁ ταύτῃ τὸν ὄροφον ἀνέχων ἐστίν, ἀνάκεινται δὲ καὶ εἰκόνεσ ἑκατέρωθεν πρὸσ τῷ τοίχῳ. κατὰ δὲ τῆσ στοᾶσ τὸ ἐσ τὴν ἀγορὰν ἕστηκε Πύρρωνοσ τοῦ Πιστοκράτουσ εἰκών, σοφιστοῦ τε ἀνδρὸσ καὶ ἐσ βέβαιον ὁμολογίαν ἐπὶ οὐδενὶ λόγῳ καταστάντοσ. ἔστι δὲ καὶ μνῆμα τῷ Πύρρωνι οὐ πόρρω τοῦ Ἠλείων ἄστεωσ·

Πέτρα μὲν τῷ χωρίῳ τὸ ὄνομα, λέγεται <δὲ> ὡσ ἡ Πέτρα δῆμοσ εἰή τὸ ἀρχαῖον. Ἠλείοισ δὲ ἐν τῷ ὑπαίθρῳ τῆσ ἀγορᾶσ τὰ ἐπιφανέστατα ναόσ ἐστι καὶ ἄγαλμα Ἀπόλλωνοσ Ἀκεσίου·

σημαίνοι δ’ ἂν τὸ ὄνομα οὐδέν τι ἀλλοῖον ἢ ὁ καλούμενοσ Ἀλεξίκακοσ ὑπὸ Ἀθηναίων. ἑτέρωθι δὲ Ἡλίῳ πεποίηται καὶ Σελήνῃ λίθου τὰ ἀγάλματα, καὶ τῆσ μὲν κέρατα ἐκ τῆσ κεφαλῆσ, τοῦ δὲ αἱ ἀκτῖνεσ ἀνέχουσιν. ἔστι δὲ καὶ Χάρισιν ἱερὸν καὶ ξόανα ἐπίχρυσα τὰ ἐσ ἐσθῆτα, πρόσωπα δὲ καὶ χεῖρεσ καὶ πόδεσ λίθου λευκοῦ· ἔχουσι δὲ ἡ μὲν αὐτῶν ῥόδον, ἀστράγαλον δὲ ἡ μέση, καὶ ἡ τρίτη κλῶνα οὐ μέγαν μυρσίνησ. ἔχειν δὲ αὐτὰσ ἐπὶ τοιῷδε εἰκάζοι τισ ἂν τὰ εἰρημένα, ῥόδον μὲν καὶ μυρσίνην Ἀφροδίτησ τε ἱερὰ εἶναι καὶ οἰκεῖα τῷ ἐσ Ἄδωνιν λόγῳ, Χάριτασ δὲ Ἀφροδίτῃ μάλιστα <φίλασ> εἶναι θεῶν·

ἀστράγαλον δὲ μειρακίων τε καὶ παρθένων, οἷσ ἄχαρι οὐδέν πω πρόσεστιν ἐκ γήρωσ, τούτων εἶναι τὸν ἀστράγαλον παίγνιον. τῶν Χαρίτων δὲ ἐν δεξιᾷ ἄγαλμά ἐστιν Ἔρωτοσ· ἕστηκε δὲ ἐπὶ βάθρου τοῦ αὐτοῦ. ἔστι δὲ καὶ Σιληνοῦ ναὸσ ἐνταῦθα, ἰδίᾳ τῷ Σιληνῷ καὶ οὐχ ὁμοῦ Διονύσῳ πεποιημένοσ·

Μέθη δὲ οἶνον ἐν ἐκπώματι αὐτῷ δίδωσι. θνητὸν δὲ εἶναι τὸ γένοσ τῶν Σιληνῶν εἰκάσαι τισ ἂν μάλιστα ἐπὶ τοῖσ τάφοισ αὐτῶν· ἐν γὰρ τῇ Ἑβραίων χώρᾳ Σιληνοῦ μνῆμα καὶ ἄλλου Σιληνοῦ Περγαμηνοῖσ ἐστιν. Ἠλείων δὲ ἐν τῇ ἀγορᾷ καὶ ἄλλο τοιόνδε εἶδον, ναοῦ σχῆμα·

ἔστι δὲ οὐχ ὑψηλόν, καὶ τοῖχοι μὲν οὐκ εἰσί, τὸν ὄροφον δὲ δρυὸσ ἀνέχουσιν εἰργασμένοι κίονεσ.

τοῦτο εἶναι μὲν ὁμολογοῦσιν οἱ ἐπιχώριοι μνῆμα, ὅτου δὲ οὐ μνημονεύουσιν· εἰ δὲ ὁ γέρων ὅντινα ἠρόμην εἶπεν ἀληθῆ λόγον, Ὀξύλου τοῦτο ἂν μνῆμα εἰή. πεποίηται δὲ ἐν τῇ ἀγορᾷ καὶ ταῖσ γυναιξὶν οἴκημα ταῖσ ἑκκαίδεκα καλουμέναισ, ἔνθα τὸν πέπλον ὑφαίνουσι τῇ Ἥρᾳ.

ἔχεται δὲ τῆσ ἀγορᾶσ ναὸσ ἀρχαῖοσ στοαῖσ ἐν κύκλῳ περίστυλοσ, ὁ δὲ ὄροφοσ κατερρύηκε τῷ ναῷ καὶ ἄγαλμα οὐδὲν ἐλείπετο·

βασιλεῦσι δὲ ἀνεῖται Ῥωμαίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 24

(파우사니아스, Description of Greece, Ἠλιακῶν Β, chapter 24)

상위

목록

SEARCH

MENU NAVIGATION