헬라어 문장 검색 - Παυσαν́Δεσξριπ́6́14́

(파우사니아스, Description of Greece, Ἠλιακῶν Β, chapter 14)

Φερίασ δὲ Αἰγινήτησ ‐ οὗτοσ γὰρ δὴ παρὰ τὸν Ἀθηναῖον Ἀριστοφῶντα ἀνάκειται ‐ ὀγδόῃ μὲν πρὸσ ταῖσ ἑβδομήκοντα Ὀλυμπιάδι κομιδῇ τε ἔδοξεν εἶναι νέοσ καὶ οὐκ ἐπιτήδειόσ πω νομισθεὶσ παλαίειν ἀπηλάθη τοῦ ἀγῶνοσ, τῇ δὲ ἑξῆσ ‐ κατεδέχθη γὰρ τηνικαῦτα ἐσ τοὺσ παῖδασ ‐ ἐνίκα παλαίων. τῷ δὲ Φερίᾳ τούτῳ διάφορον καὶ οὐδαμῶσ ἐοικυῖαν ἔσχεν ἐν Ὀλυμπίᾳ τύχην Νικασύλοσ Ῥόδιοσ.

ὄγδοον γὰρ ἐπὶ τοῖσ δέκα ἔτεσι γεγονὼσ μὴ παλαῖσαι μὲν ἐν παισὶν ὑπὸ Ἠλείων ἀπηλάθη, ἀνηγορεύθη δὲ ἐν ἀνδράσιν, ὥσπερ γε καὶ ἐνίκησεν·

ἀνηγορεύθη δὲ καὶ ὕστερον Νεμέᾳ τε καὶ Ἰσθμῷ. γεγονότα δὲ εἰκοσαετῆ τὸ χρεὼν ἐπιλαμβάνει, πρὶν ἢ ἐσ τὴν Ῥόδον αὐτὸν οἴκαδε ἀναστρέψαι. τὸ δὲ ἐν Ὀλυμπίᾳ τοῦ Ῥοδίου παλαιστοῦ τόλμημα Ἀρτεμίδωροσ γένοσ Τραλλιανὸσ ὑπερεβάλετο κατὰ ἐμὴν δόξαν. Ἀρτεμιδώρῳ γὰρ ἁμαρτεῖν μὲν Ὀλυμπίων συνέβη παγκρατιάζοντι ἐν παισίν, αἰτία δέ οἱ ἐγένετο τῆσ διαμαρτίασ τὸ ἄγαν νέον· ὡσ δὲ ἀφίκετο ἀγῶνοσ καιρὸσ ὃν Σμυρναῖοι Ιὤνων ἄγουσιν, ἐσ τοσοῦτο ἄρα αὐτῷ τὰ τῆσ ῥώμησ ἐπηύξητο ὡσ κρατῆσαι παγκρατιάζοντα ἐπὶ ἡμέρασ τῆσ αὐτῆσ τούσ τε ἐξ Ὀλυμπίασ ἀνταγωνιστὰσ καὶ ἐπὶ τοῖσ παισὶν οὓσ ἀγενείουσ καλοῦσι καὶ τρίτα δὴ ὅ τι ἄριστον ἦν τῶν ἀνδρῶν.

γενέσθαι δέ οἱ τὴν ἅμιλλαν πρὸσ ἀγενείουσ τε καὶ ἄνδρασ τὴν μὲν ἐκ γυμναστοῦ παρακλήσεώσ φασι, τὴν δὲ ἐξ ἀνδρὸσ παγκρατιαστοῦ λοιδορίασ. ἀνείλετο δὲ ἐν ἀνδράσιν ὁ Ἀρτεμίδωροσ Ὀλυμπικὴν νίκην δευτέρᾳ καὶ δεκάτῃ πρὸσ διακοσίαισ Ὀλυμπιάδι. Νικασύλου δὲ τῆσ εἰκόνοσ ἵπποσ τε οὐ μέγασ ἔχεται χαλκοῦσ, ὃν Κρόκων Ἐρετριεὺσ ἀνέθηκεν ἀνελόμενοσ κέλητι ἵππῳ στέφανον, καὶ πλησίον τοῦ ἵππου Τελέστασ ἐστὶ Μεσσήνιοσ κρατήσασ πυγμῇ παῖδασ·

Σιλανίωνοσ δὲ ἔργον ἐστὶν ὁ Τελέστασ.

Μίλωνα δὲ τὸν Διοτίμου πεποίηκε μὲν Δαμέασ ἐκ Κρότωνοσ καὶ οὗτοσ·

ἐγένοντο δὲ τῷ Μίλωνι ἓξ μὲν ἐν Ὀλυμπίᾳ πάλησ νῖκαι, μία <δὲ> ἐν παισὶν ἐξ αὐτῶν, Πυθοῖ δὲ ἔν τε ἀνδράσιν ἓξ καὶ μία ἐνταῦθα ἐν παισίν. ἀφίκετο δὲ καὶ ἕβδομον παλαίσων ἐσ Ὀλυμπίαν· ἀλλὰ γὰρ οὐκ ἐγένετο οἱο͂́σ τε καταπαλαῖσαι Τιμασίθεον πολίτην τε ὄντα αὐτῷ καὶ ἡλικίᾳ νέον, πρὸσ δὲ καὶ σύνεγγυσ οὐκ ἐθέλοντα ἵστασθαι. λέγεται δὲ καὶ ὡσ ἐσκομίσειεν αὐτὸσ αὑτοῦ τὸν ἀνδριάντα ἐσ τὴν Ἄλτιν ὁ Μίλων, λέγεται δὲ ἐσ αὐτὸν καὶ <τὸ> ἐπὶ τῇ ῥοιᾷ καὶ τὸ ἐπὶ τῷ δίσκῳ·

ῥοιὰν μὲν δὴ οὕτω κατεῖχεν ὡσ μήτε ἄλλῳ παρεῖναι βιαζομένῳ μήτε αὐτὸσ λυμήνασθαι πιέζων, ἱστάμενοσ δὲ ἐπὶ ἀληλιμμένῳ τῷ δίσκῳ γέλωτα ἐποιεῖτο τοὺσ ἐμπίπτοντάσ τε καὶ ὠθοῦντασ ἀπὸ τοῦ δίσκου. παρείχετο δὲ καὶ ἄλλα τοιάδε ἐσ ἐπίδειξιν. περιέδει τῷ μετώπῳ χορδὴν κατὰ ταὐτὰ δὴ καὶ εἰ ταινίαν περιθεῖτο ἢ στέφανον·

κατέχων δὲ ἐντὸσ χειλῶν τὸ ἆσθμα καὶ ἐμπιπλὰσ αἵματοσ τὰσ ἐν τῇ κεφαλῇ φλέβασ, διερρήγνυεν ὑπὸ ἰσχύοσ τῶν φλεβῶν τὴν χορδήν. λέγεται δὲ καὶ ὡσ τῆσ δεξιᾶσ χειρὸσ τὸ μὲν ἐσ τὸν ἀγκῶνα ἐκ τοῦ ὤμου παρ’ αὐτὴν καθίει τὴν πλευράν, τὸ δὲ ἀπὸ τοῦ ἀγκῶνοσ ἔτεινεν ἐσ εὐθύ, τῶν δακτύλων τὸν μὲν αὐτῶν ἀναστρέφων τὸν ἀντίχειρα ἐσ τὸ ἄνω, τῶν λοιπῶν δὲ ἀλλήλοισ ἐπικειμένων κατὰ στοῖχον· τὸν ἐλάχιστον οὖν τῶν δακτύλων κάτω γινόμενον οὐκ ἀπεκίνησεν ἄν τισ βιαζόμενοσ.

ἀποθανεῖν δὲ ὑπὸ θηρίων φασὶν αὐτόν·

ἐπιτυχεῖν γὰρ αὐτὸν ἐν τῇ Κροτωνιάτιδι αὐαινομένῳ ξύλῳ, σφῆνεσ δὲ ἐγκείμενοι διίστασαν τὸ ξύλον· ὁ δὲ ὑπὸ φρονήματοσ ὁ Μίλων καθίησι τὰσ χεῖρασ ἐσ τὸ ξύλον, ὀλισθάνουσί τε δὴ οἱ σφῆνεσ καὶ ἐχόμενοσ ὁ Μίλων ὑπὸ τοῦ ξύλου λύκοισ ἐγίνετο εὑρ́ημα. μάλιστα δέ πωσ τὸ θηρίον τοῦτο ἐν τῇ Κροτωνιάτιδι πολύ τε νέμεται καὶ ἄφθονον. Μίλωνι μὲν δὴ τοιόνδε τέλοσ ἐπηκολούθησε·

Πύρρον δὲ τὸν Αἰακίδου βασιλεύσαντα ἐν τῇ Θεσπρωτίδι ἠπείρῳ καὶ ἔργα πολλὰ ἐργασάμενον καὶ ἄξια μνήμησ, ἃ ἐν τῷ λόγῳ τῷ ἐσ Ἀθηναίουσ ἐδήλωσα, τοῦτον ἐσ τὴν Ἄλτιν ἀνέθηκε Θρασύβουλοσ Ἠλεῖοσ. παρὰ δὲ τὸν Πύρρον ἀνὴρ μικρὸσ αὐλοὺσ ἔχων ἐστὶν ἐκτετυπωμένοσ ἐπὶ στήλῃ. τούτῳ Πυθικαὶ νῖκαι γεγόνασι τῷ ἀνδρὶ δευτέρῳ μετὰ Σακάδαν τὸν Ἀργεῖον· Σακάδασ μὲν γὰρ τὸν ἀγῶνα τὸν τεθέντα ὑπὸ Ἀμφικτυόνων οὐκ ὄντα πω στεφανίτην καὶ ἐπ’ ἐκείνῳ στεφανίτασ δύο ἐνίκησε, Πυθόκριτοσ δὲ ὁ Σικυώνιοσ τὰσ ἐφεξῆσ τούτων πυθιάδασ ἕξ, μόνοσ δὴ οὗτοσ αὐλητήσ·

δῆλα δὲ ὅτι καὶ ἐν τῷ ἀγῶνι τῷ Ὀλυμπίασιν ἐπηύλησεν ἑξάκισ τῷ πεντάθλῳ. Πυθοκρίτῳ μὲν γέγονεν ἀντὶ τούτων ἡ ἐν Ὀλυμπίᾳ στήλη καὶ ἐπίγραμμα ἐπ’ αὐτῇ,Πυθοκρίτου<τοῦ> Καλλινίκου μνᾶμα ταὐλητᾶ <τά>δε· ἀνέθεσαν δὲ καὶ τὸ κοινὸν τὸ Αἰτωλῶν Κύλωνα, ὃσ ἀπὸ τῆσ Ἀριστοτίμου τυραννίδοσ ἠλευθέρωσεν Ἠλείουσ.

Γόργον δὲ τὸν Εὐκλήτου Μεσσήνιον ἀνελόμενον πεντάθλου νίκην καὶ Δαμάρετον καὶ τοῦτον Μεσσήνιον κρατήσαντα πυγμῇ παῖδασ, τὸν μὲν αὐτῶν Βοιώτιοσ Θήρων, Δαμαρέτου δὲ τὴν εἰκόνα Ἀθηναῖοσ Σιλανίων ἐποίησεν.

Ἀναυχίδασ δὲ ὁ Φίλυοσ Ἠλεῖοσ πάλησ ἔσχεν ἐν παισὶ στέφανον καὶ ἐν ἀνδράσιν ὕστερον· τούτῳ μὲν δὴ τὴν εἰκόνα ὅστισ ὁ εἰργασμένοσ ἐστὶν οὐκ ἴσμεν, Ἄνοχοσ δὲ ὁ Ἀδαμάτα Ταραντῖνοσ, σταδίου λαβὼν καὶ διαύλου νίκην, ἐστὶν Ἀγελάδα τέχνη τοῦ Ἀργείου. παῖδα δὲ ἐφ’ ἵππου καθήμενον καὶ ἑστηκότα ἄνδρα παρὰ τὸν ἵππον φησὶ τὸ ἐπίγραμμα εἶναι Ξενόμβροτον ἐκ Κῶ τῆσ Μεροπίδοσ, ἐπὶ ἵππου νίκῃ κεκηρυγμένον, Ξενόδικον δὲ ἐπὶ πυγμῇ παίδων ἀναγορευθέντα·

τὸν μὲν Παντίασ αὐτῶν, Ξενόμβροτον δὲ Φιλότιμοσ Αἰγινήτησ ἐποίησε. Πύθου δὲ τοῦ Ἀνδρομάχου, γένοσ ἀνδρὸσ ἐξ Ἀβδήρων, ἐποίησε μὲν Λύσιπποσ, ἀνέθεσαν δὲ οἱ στρατιῶται δύο εἰκόνασ· εἶναι δὲ ἡγεμών τισ ξένων ἢ καὶ ἄλλωσ τὰ πολεμικὰ ἀγαθὸσ ὁ Πύθησ ἐοίκε. κεῖνται δὲ καὶ ἐν παισὶν εἰληφότεσ δρόμου νίκασ Μενεπτόλεμοσ ἐξ Ἀπολλωνίασ τῆσ ἐν τῷ Ιὀνίῳ <κόλπῳ> καὶ Κορκυραῖοσ Φίλων, ἐπὶ δὲ αὐτοῖσ Ιἑρώνυμοσ Ἄνδριοσ, ὃσ τὸν Ἠλεῖον Τισαμενὸν πενταθλοῦντα ἐν Ὀλυμπίᾳ κατεπάλαισε τὸν ἐν Ἕλλησιν ὕστερον τούτων ἐναντία Μαρδονίου καὶ Μήδων Πλαταιᾶσι μαντευσάμενον.

οὗτόσ τε δὴ ὁ Ιἑρώνυμοσ ἀνάκειται καὶ παρ’ αὐτὸν παλαιστὴσ παῖσ, Ἄνδριοσ καὶ οὗτοσ, Προκλῆσ ὁ Λυκαστίδα· τοῖσ πλάσταισ δὲ οἳ τοὺσ ἀνδριάντασ ἐποίησαν, τῷ μὲν Στόμιόσ ἐστιν ὄνομα, τῷ δὲ τὸν Προκλέα εἰργασμένῳ Σῶμισ.

Αἰσχίνῃ δὲ Ἠλείῳ νῖκαί τε δύο ἐγένοντο πεντάθλου καὶ ἴσαι ταῖσ νίκαισ αἱ εἰκόνεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 14

(파우사니아스, Description of Greece, Ἠλιακῶν Β, chapter 14)

상위

목록

SEARCH

MENU NAVIGATION