헬라어 문장 검색 - Παυσαν́Δεσξριπ́6́12́

(파우사니아스, Description of Greece, Ἠλιακῶν Β, chapter 12)

πλησίον δὲ ἁρ́μα τέ ἐστι χαλκοῦν καὶ ἀνὴρ ἀναβεβηκὼσ ἐπ’ αὐτό, κέλητεσ δὲ ἵπποι παρὰ τὸ ἁρ́μα εἷσ ἑκατέρωθεν ἕστηκε καὶ ἐπὶ τῶν ἵππων καθέζονται παῖδεσ· ὑπομνήματα δὲ ἐπὶ νίκαισ Ὀλυμπικαῖσ ἐστιν Ιἕρωνοσ τοῦ Δεινομένουσ τυραννήσαντοσ Συρακουσίων μετὰ τὸν ἀδελφὸν Γέλωνα. τὰ δὲ ἀναθήματα οὐχ Ιἕρων ἀπέστειλεν, ἀλλ’ ὁ μὲν ἀποδοὺσ τῷ θεῷ Δεινομένησ ἐστὶν ὁ Ιἕρωνοσ, ἔργα δὲ τὸ μὲν Ὀνάτα τοῦ Αἰγινήτου τὸ ἁρ́μα, Καλάμιδοσ δὲ οἱ ἵπποι τε οἱ ἑκατέρωθεν καὶ ἐπ’ αὐτῶν εἰσιν οἱ παῖδεσ. παρὰ δὲ τοῦ Ιἕρωνοσ τὸ ἁρ́μα ἀνήρ ἐστιν ὁμώνυμόσ τε τῷ Δεινομένουσ καὶ ἐν Συρακούσαισ καὶ οὗτοσ τυραννήσασ, Ιἕρων δὲ ἐκαλεῖτο Ιἑροκλέουσ·

μετὰ δὲ τὴν Ἀγαθοκλέουσ τοῦ πρότερον τυραννήσαντοσ τελευτὴν Συρακουσίοισ αὖθισ ἀναπεφύκει τύραννοσ ὁ Ιἕρων οὗτοσ, τὴν δὲ ἀρχὴν εἶχεν ἔτει δευτέρῳ τῆσ ἕκτησ Ὀλυμπιάδοσ ἐπὶ ταῖσ εἴκοσι καὶ ἑκατόν, ἣν Κυρηναῖοσ στάδιον ἐνίκησεν Ἰδαῖοσ. οὗτοσ ὁ Ιἕρων ξενίαν πρὸσ Πύρρον τὸν Αἰακίδου καὶ ὁμοῦ τῇ ξενίᾳ καὶ ἐπιγαμίαν ἐποιήσατο, Γέλωνι τῷ παιδὶ Νηρηίδα ἀγαγόμενοσ τὴν Πύρρου.

Ῥωμαίων δὲ περὶ Σικελίασ ἐσ τὴν πρὸσ Καρχηδονίουσ πόλεμον καταστάντων εἶχον μὲν οἱ Καρχηδόνιοι τῆσ νήσου πλέον ἢ ἥμισυ, Ιἕρωνι δὲ συνιόντων μὲν ἄρτι ἐσ τὸν πόλεμον ἑλέσθαι τὰ Καρχηδονίων ἤρεσε, μετὰ δὲ οὐ πολὺ δυνάμει τε εἶναι νομίζων τὰ Ῥωμαίων ἐχυρώτερα καὶ βεβαιότερα ἅμα ἐσ φιλίαν μετεβάλετο ὡσ τούτουσ. τοῦ δέ οἱ βίου συνέβη γενέσθαι τὴν τελευτὴν ὑπὸ Δεινομένουσ, γένοσ μὲν Συρακουσίου, δυσμενέστατα δὲ ἀνδρὸσ ἐσ τυραννίδα ἔχοντοσ, ὃσ καὶ ὕστερον τούτων Ἱπποκράτει τῷ ἀδελφῷ τῷ Ἐπικύδουσ ἐξ Ἐρβησσοῦ παρεληλυθότι ἄρτι ἐσ Συρακούσασ καὶ ἐσ τὸ πλῆθοσ ποιεῖσθαι λόγουσ ἀρχομένῳ ἐπέδραμεν ὡσ ἀποκτενῶν τὸν Ἱπποκράτην·

τοῦ δέ οἱ ἀντιστάντοσ, κρατήσαντεσ τῶν δορυφόρων ἄλλοι διαφθείρουσι τὸν Δεινομένην. τὸν δὲ αὐτῶν πεζόν, ἀνέθεσαν μὲν τοῦ Ιἕρωνοσ οἱ παῖδεσ, ἐποίησε δὲ Μίκων Νικηράτου Συρακούσιοσ.

μετὰ δὲ τοῦ Ιἕρωνοσ τὰσ εἰκόνασ Ἀρεὺσ ὁ Ἀκροτάτου Λακεδαιμονίων βασιλεὺσ καὶ Ἄρατοσ ἕστηκεν ὁ Κλεινίου, καὶ αὖθισ ἀναβεβηκώσ ἐστιν Ἀρεὺσ ἵππον.

ἀνάθημα δὲ ὁ μὲν Κορινθίων ὁ Ἄρατοσ, Ἀρεὺσ δὲ Ἠλείων ἐστί· καί μοι τοῦ λόγου τὰ πρότερα οὔτε τῶν ἐσ Ἄρατον οὔτε τῶν ἐσ Ἀρέα ἀμνημόνωσ ἔσχεν, Ἄρατοσ δὲ καὶ ἁρ́ματι ἀνηγορεύθη νικῶν ἐν Ὀλυμπίᾳ. Τίμωνι δὲ τῷ Αἰσύπου καθέντι ἐσ Ὀλυμπίαν ἵππουσ ἀνδρὶ Ἠλείῳ ἐστι τοῦτο χαλκοῦν, ἐπ’ αὐτὸν ἀναβέβηκε παρθένοσ, ἐμοὶ δοκεῖν Νίκη.

Κάλλωνα δὲ τὸν Ἁρμοδίου καὶ τὸν Μοσχίωνοσ Ἱππόμαχον, γένοσ τε Ἠλείουσ καὶ πυγμῇ κρατήσαντασ ἐν παισί, τὸν μὲν αὐτῶν ἐποίησε Δάιπποσ, Ἱππομάχου δὲ ὅστισ μὲν τὸν ἀνδριάντα εἰργάσατο οὐκ ἴσμεν, καταμαχέσασθαι δὲ τρεῖσ φασιν ἀνταγωνιστὰσ αὐτὸν οὔτε πληγὴν ἀποδεξάμενον οὔτε τι τρωθέντα τοῦ σώματοσ. Θεόχρηστον δὲ Κυρηναῖον ἱπποτροφήσαντα κατὰ τὸ ἐπιχώριον τοῖσ Λίβυσι καὶ αὐτόν τε ἐν Ὀλυμπίᾳ καὶ ἔτι πρότερον τὸν ὁμώνυμόν τε αὐτῷ καὶ τοῦ πατρὸσ πατέρα, τούτουσ μὲν ἐνταῦθα ἵππων νίκασ, ἐν δὲ Ἰσθμῷ τοῦ Θεοχρήστου λαβεῖν τὸν πατέρα, τὸ ἐπίγραμμα δηλοῖ τὸ ἐπὶ τῷ ἁρ́ματι.

Ἀγήσαρχον δὲ τὸν Αἱμοστράτου Τριταιέα κρατῆσαι μὲν πύκτασ ἄνδρασ ἐν Ὀλυμπίᾳ καὶ Νεμέᾳ τε καὶ Πυθοῖ καὶ ἐν Ἰσθμῷ μαρτυρεῖ τὸ ἐλεγεῖον, Ἀρκάδασ δὲ τοὺσ Τριταιεῖσ εἶναι τοῦ ἐλεγείου λέγοντοσ <οὐκ> ἀληθεύοντα εὑρ́ισκον.

πόλεων γὰρ τῶν ἐν Ἀρκαδίᾳ ταῖσ μὲν ἐπειλημμέναισ δόξησ οὐδὲ τὰ ἐσ τοὺσ οἰκιστάσ ἐστιν ἄγνωστα, τὰσ δὲ ἐξ ἀρχῆσ τε ὑπὸ ἀσθενείασ ἀφανεστέρασ καὶ δι’ αὐτὸ ἀνοικισθείσασ ἐσ Μεγάλην πόλιν, οὐ περιέχει σφᾶσ γενόμενον <τότε> ὑπὸ τε τοῦ Ἀρκάδων κοινοῦ δόγμα;

οὐδέ τινα ἔστιν ἐν Ἕλλησι Τρίτειαν πόλιν ἄλλην γε ἢ τὴν Ἀχαιῶν εὑρεῖν.

τηνικαῦτα γοῦν ἐσ Ἀρκάδασ ἡγοῖτο ἄν τισ συντελέσαι τοὺσ Τριταιεῖσ, καθὰ καὶ νῦν ἔτι Ἀρκάδων αὐτῶν εἰσιν οἱ ἐσ τὸ Ἀργολικὸν τελοῦντεσ. τοῦ Ἀγησάρχου δέ ἐστιν ἡ εἰκὼν τέχνη τῶν Πολυκλέουσ παίδων. τούτων μὲν δὴ ποιησόμεθα μνήμην καὶ ἐν τοῖσ ὑστέροισ τοῦ λόγου·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 12

(파우사니아스, Description of Greece, Ἠλιακῶν Β, chapter 12)

상위

목록

SEARCH

MENU NAVIGATION