헬라어 문장 검색 - Παυσαν́Δεσξριπ́6́06́

(파우사니아스, Description of Greece, Ἠλιακῶν Β, chapter 6)

τούτῳ μὲν ἐνταῦθα ἐγένετο ἡ τελευτή· ἐν δὲ Ὀλυμπίᾳ παρὰ τοῦ Πουλυδάμαντοσ τὸν ἀνδριάντα δύο τε ἐκ τῆσ Ἀρκάδων καὶ Ἀττικὸσ ὁ τρίτοσ ἕστηκεν ἀθλητήσ. τὸν μὲν δὴ Μαντινέα Πρωτόλαον Διαλκοῦσ πυγμῇ παῖδασ κρατήσαντα ὁ Ῥηγῖνοσ Πυθαγόρασ, Ναρυκίδαν δὲ τὸν Δαμαρέτου παλαιστὴν ἄνδρα ἐκ Φιγαλίασ Σικυώνιοσ Δαίδαλοσ, Καλλίᾳ δὲ Ἀθηναίῳ παγκρατιαστῇ τὸν ἀνδριάντα ἀνὴρ Ἀθηναῖοσ Μίκων ἐποίησεν ὁ ζωγράφοσ. Νικοδάμου δὲ ἔργον τοῦ Μαιναλίου παγκρατιαστήσ ἐστιν ἐκ Μαινάλου, δύο νίκασ ἐν ἀνδράσιν ἀνελόμενοσ, Ἀνδροσθένησ Λοχαίου. ἐπὶ δὲ τούτοισ Εὐκλῆσ ἀνάκειται Καλλιάνακτοσ, γένοσ μὲν Ῥόδιοσ, οἴκου δὲ τοῦ Διαγοριδῷν·

θυγατρὸσ γὰρ Διαγόρου παῖσ ἦν, ἐν δὲ ἀνδράσι πυγμῆσ ἔσχεν Ὀλυμπικὴν νίκην. τούτου μὲν δὴ ἡ εἰκὼν Ναυκύδουσ ἐστὶν ἔργον· Πολύκλειτοσ δὲ Ἀργεῖοσ, οὐχ ὁ τῆσ Ἥρασ τὸ ἄγαλμα ποιήσασ, μαθητὴσ δὲ Ναυκύδουσ, παλαιστὴν παῖδα εἰργάσατο Θηβαῖον Ἀγήνορα.

ἀνετέθη δὲ ἡ εἰκὼν ὑπὸ τοῦ Φωκέων κοινοῦ· Θεόπομποσ γὰρ ὁ πατὴρ τοῦ Ἀγήνοροσ πρόξενοσ τοῦ ἔθνουσ ἦν αὐτῶν. Νικόδαμοσ δὲ ὁ πλάστησ ὁ ἐκ Μαινάλου Δαμοξενίδαν ἄνδρα πύκτην ἐποίησεν ἐκ Μαινάλου.

ἕστηκε δὲ καὶ Λαστρατίδα παιδὸσ εἰκὼν Ἠλείου, πάλησ ἀνελομένου στέφανον· ἐγένετο δὲ αὐτῷ καὶ Νεμείων ἔν τε παισὶ καὶ ἀγενείων ἑτέρα νίκη. Παραβάλλοντι δὲ τῷ Λαστρατίδα πατρὶ ὑπῆρξε μὲν διαύλου παρελθεῖν δρόμῳ, ὑπελίπετο δὲ καὶ ἐσ τοὺσ ἔπειτα φιλοτιμίαν, τῶν νικησάντων Ὀλυμπίασι τὰ ὀνόματα ἀναγράψασ ἐν τῷ γυμνασίῳ τῷ ἐν Ὀλυμπίᾳ. τὰ μὲν δὴ ἐσ τούτουσ εἶχεν οὕτω·

τὰ δὲ ἐσ Εὔθυμον τὸν πύκτην, οὔ με εἰκὸσ ὑπερβαίνειν ἦν τὰ ἐσ τὰσ νίκασ αὐτῷ καὶ τὰ ἐσ δόξαν ὑπάρχοντα τὴν ἄλλην. γένοσ μὲν δὴ ἦν ὁ Εὔθυμοσ ἐκ τῶν ἐν Ἰταλίᾳ Λοκρῶν, οἳ χώραν τὴν πρὸσ τῷ Ζεφυρίῳ τῇ ἄκρᾳ νέμονται, πατρὸσ δὲ ἐκαλεῖτο Ἀστυκλέουσ· εἶναι δὲ αὐτὸν οὐ τούτου, ποταμοῦ δὲ οἱ ἐπιχώριοι τοῦ Καικίνου φασίν, ὃσ τὴν Λοκρίδα καὶ Ῥηγίνην ὁρίζων τὸ ἐσ τοὺσ τέττιγασ παρέχεται θαῦμα. οἱ μὲν γὰρ τέττιγεσ οἱ ἐντὸσ τῆσ Λοκρίδοσ ἄχρι τοῦ Καικίνου κατὰ τὰ αὐτὰ τοῖσ ἄλλοισ τέττιξιν ᾄδουσι· διαβάντων δὲ τὸν Καικίνην οὐδεμίαν ἔτι οἱ ἐν τῇ Ῥηγίνῃ τέττιγεσ ἀφιᾶσι τὴν φωνήν. τούτου μὲν δὴ παῖδα εἶναι λέγεται τὸν Εὔθυμον·

ἀνελομένῳ δέ οἱ πυγμῆσ ἐν Ὀλυμπίᾳ νίκην τετάρτῃ πρὸσ ταῖσ ἑβδομήκοντα Ὀλυμπιάδι οὐ κατὰ τὰ αὐτὰ ἐσ τὴν ἐπιοῦσαν Ὀλυμπιάδα ἔμελλε χωρήσειν·

Θεαγένησ γὰρ ὁ Θάσιοσ Ὀλυμπιάδι ἐθέλων τῇ αὐτῇ πυγμῆσ τε ἀνελέσθαι καὶ παγκρατίου νίκασ ὑπερεβάλετο πυκτεύων τὸν Εὔθυμον, οὐ μὴν οὐδὲ ὁ Θεαγένησ ἐπὶ τῷ παγκρατίῳ λαβεῖν ἐδυνήθη τὸν κότινον ἅτε προκατεργασθεὶσ τῇ μάχῃ πρὸσ τὸν Εὔθυμον. ἐπὶ τούτῳ δὲ ἐπιβάλλουσιν οἱ Ἑλλανοδίκαι τῷ Θεαγένει τάλαντον μὲν ἱερὰν ἐσ τὸν θεὸν ζημίαν, τάλαντον δὲ βλάβησ τῆσ ἐσ Εὔθυμον, ὅτι ἐπηρείᾳ τῇ ἐσ ἐκεῖνον ἐδόκει σφίσιν ἐπανελέσθαι τὸ ἀγώνισμα τῆσ πυγμῆσ·

τούτων ἕνεκα καταδικάζουσιν αὐτὸν ἐκτῖσαι καὶ ἰδίᾳ τῷ Εὐθύμῳ χρήματα. ἕκτῃ δὲ Ὀλυμπιάδι ἐπὶ ταῖσ ἑβδομήκοντα τὸ μὲν τῷ θεῷ τοῦ ἀργυρίου γινόμενον ἐξέτισεν ὁ Θεαγένησ, καὶ ἀμειβόμενοσ αὐτὸν οὐκ ἐσῆλθεν ἐπὶ τὴν πυγμήν· καὶ ἐπ’ ἐκείνησ τε αὐτῆσ καὶ ἐπὶ τῆσ μετ’ ἐκείνην Ὀλυμπιάδοσ τὸν ἐπὶ πυγμῇ στέφανον ἀνείλετο ὁ Εὔθυμοσ. ὁ δέ οἱ ἀνδριὰσ τέχνη τέ ἐστι Πυθαγόρου καὶ θέασ ἐσ τὰ μάλιστα ἄξιοσ. ἐπανήκων δὲ ἐσ Ἰταλίαν τότε δὴ ἐμαχέσατο πρὸσ τὸν Ἥρω·

τὰ δὲ ἐσ αὐτὸν εἶχεν οὕτωσ. Ὀδυσσέα πλανώμενον μετὰ ἅλωσιν τὴν Ἰλίου κατενεχθῆναί φασιν ὑπὸ ἀνέμων ἔσ τε ἄλλασ τῶν ἐν Ἰταλίᾳ καὶ Σικελίᾳ πόλεων, ἀφικέσθαι δὲ καὶ ἐσ Τεμέσαν ὁμοῦ ταῖσ ναυσί· τοῦ ἀδικήματοσ.

Ὀδυσσέα μὲν δὴ ἐν οὐδενὶ λόγῳ θέμενον αὐτοῦ τὴν ἀπώλειαν ἀποπλέοντα οἴχεσθαι, τοῦ καταλευσθέντοσ δὲ ἀνθρώπου τὸν δαίμονα οὐδένα ἀνιέναι καιρὸν ἀποκτείνοντά τε ὁμοίωσ τοὺσ ἐν τῇ Τεμέσῃ καὶ ἐπεξερχόμενον ἐπὶ πᾶσαν ἡλικίαν, ἐσ ὃ ἡ Πυθία τὸ παράπαν ἐξ Ἰταλίασ ὡρμημένουσ φεύγειν Τεμέσαν μὲν ἐκλιπεῖν οὐκ εἰά, τὸν δὲ Ἥρω σφᾶσ ἐκέλευσεν ἱλάσκεσθαι τέμενόσ τε ἀποτεμομένουσ οἰκοδομήσασθαι ναόν, διδόναι δὲ κατὰ ἔτοσ αὐτῷ γυναῖκα τῶν ἐν Τεμέσῃ παρθένων τὴν καλλίστην.

τοῖσ μὲν δὴ τὰ ὑπὸ τοῦ θεοῦ προστεταγμένα ὑπουργοῦσι δεῖμα ἀπὸ τοῦ δαίμονοσ ἐσ τἄλλα ἦν οὐδέν·

Εὔθυμοσ δὲ ‐ ἀφίκετο γὰρ ἐσ τὴν Τεμέσαν, καί πωσ τηνικαῦτα τὸ ἔθοσ ἐποιεῖτο τῷ δαίμονι ‐ πυνθάνεται τὰ παρόντα σφίσι, καὶ ἐσελθεῖν τε ἐπεθύμησεν ἐσ τὸν ναὸν καὶ τὴν παρθένον ἐσελθὼν θεάσασθαι. ὡσ δὲ εἶδε, τὰ μὲν πρῶτα ἐσ οἶκτον, δεύτερα δὲ ἀφίκετο καὶ ἐσ ἔρωτα αὐτῆσ· καὶ ἡ παῖσ τε συνοικήσειν κατώμνυτο αὐτῷ σώσαντι αὐτὴν καὶ ὁ Εὔθυμοσ ἐνεσκευασμένοσ ἔμενε τὴν ἔφοδον τοῦ δαίμονοσ. ἐνίκα τε δὴ τῇ μάχῃ καὶ ‐ ἐξηλαύνετο γὰρ ἐκ τῆσ γῆσ ‐ ὁ Ἥρωσ ἀφανίζεταί τε καταδὺσ ἐσ θάλασσαν καὶ γάμοσ τε ἐπιφανὴσ Εὐθύμῳ καὶ ἀνθρώποισ τοῖσ ἐνταῦθα ἐλευθερία τοῦ λοιποῦ σφισιν ἦν ἀπὸ τοῦ δαίμονοσ.

ἤκουσα δὲ καὶ τοιόνδε ἔτι ἐσ τὸν Εὔθυμον, ὡσ γήρωσ τε ἐπὶ μακρότατον ἀφίκοιτο καὶ ὡσ ἀποθανεῖν ἐκφυγὼν αὖθισ ἕτερόν τινα ἐξ ἀνθρώπων ἄλλον ἀπέλθοι τρόπον· οἰκεῖσθαι δὲ τὴν Τεμέσαν καὶ ἐσ ἐμὲ ἀνδρὸσ ἤκουσα πλεύσαντοσ κατὰ ἐμπορίαν. τόδε μὲν ἤκουσα, γραφῇ δὲ τοιάδε ἐπιτυχὼν οἶδα·

ἦν δὲ αὕτη γραφῆσ μίμημα ἀρχαίασ.

νεανίσκοσ Σύβαρισ καὶ Κάλαβρόσ τε ποταμὸσ καὶ Λύκα πηγή, πρὸσ δὲ ἡρῷόν τε καὶ Τεμέσα ἦν ἡ πόλισ, ἐν δέ σφισι καὶ δαίμων ὅντινα ἐξέβαλεν ὁ Εὔθυμοσ, χρόαν τε δεινῶσ μέλασ καὶ τὸ εἶδοσ ἅπαν ἐσ τὰ μάλιστα φοβερόσ, λύκου δὲ ἀμπίσχετο δέρμα ἐσθῆτα· ἐτίθετο δὲ καὶ ὄνομα Λύκαν τὰ ἐπὶ τῇ γραφῇ γράμματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 6

(파우사니아스, Description of Greece, Ἠλιακῶν Β, chapter 6)

상위

목록

SEARCH

MENU NAVIGATION