헬라어 문장 검색 - Παυσαν́Δεσξριπ́6́01́

(파우사니아스, Description of Greece, Ἠλιακῶν Β, chapter 1)

ἕπεται δέ μοι τῷ λόγῳ τῷ ἐσ τὰ ἀναθήματα τὸ μετὰ τοῦτο ἤδη ποιήσασθαι καὶ ἵππων ἀγωνιστῶν μνήμην καὶ ἀνδρῶν ἀθλητῶν τε καὶ ἰδιωτῶν ὁμοίωσ. τῶν δὲ νικησάντων Ὀλυμπίασιν οὐχ ἁπάντων εἰσὶν ἑστηκότεσ ἀνδριάντεσ, ἀλλὰ καὶ ἀποδειξάμενοι λαμπρὰ ἐσ τὸν ἀγῶνα, οἱ δὲ καὶ ἐπὶ ἄλλοισ ἔργοισ, ὅμωσ οὐ τετυχήκασιν εἰκόνων· τούτουσ ἐκέλευσεν ἀφεῖναί με ὁ λόγοσ, ὅτι οὐ κατάλογόσ ἐστιν ἀθλητῶν ὁπόσοισ γεγόνασιν Ὀλυμπικαὶ νῖκαι, ἀναθημάτων δὲ ἄλλων τε καὶ εἰκόνων συγγραφή.

οὐδὲ ὁπόσων ἑστήκασιν ἀνδριάντεσ, οὐδὲ τούτοισ πᾶσιν ἐπέξειμι, ἐπιστάμενοσ ὅσοι τῷ παραλόγῳ τοῦ κλήρου καὶ οὐχ ὑπὸ ἰσχύοσ ἀνείλοντο ἤδη τὸν κότινον· ὁπόσοισ δὲ ἢ αὐτοῖσ <τι> εἶχεν ἐσ δόξαν ἢ καὶ τοῖσ ἀνδριᾶσιν ὑπῆρχεν ἄμεινον ἑτέρων πεποιῆσθαι, τοσαῦτα καὶ αὐτὸσ μνησθήσομαι. ἔστιν ἐν δεξιᾷ τοῦ ναοῦ τῆσ Ἥρασ ἀνδρὸσ εἰκὼν παλαιστοῦ, γένοσ δὲ ἦν Ἠλεῖοσ, Σύμμαχοσ Αἰσχύλου·

παρὰ δὲ αὐτὸν ἐκ Φενεοῦ τῆσ Ἀρκάδων Νεολαί̈δασ Προξένου, πυγμῆσ ἐν παισὶν ἀνῃρημένοσ νίκην· ἐφεξῆσ δὲ Ἀρχέδαμοσ Ξενίου, καταβαλὼν καὶ οὗτοσ παλαιστὰσ παῖδασ, γένοσ καὶ αὐτὸσ Ἠλεῖοσ. τούτων τῶν κατειλεγμένων εἰργάσατο Ἄλυποσ τὰσ εἰκόνασ Σικυώνιοσ, Ναυκύδουσ τοῦ Ἀργείου μαθητήσ. Κλεογένην δὲ Σιληνοῦ τὸ ἐπίγραμμα τὸ ἐπ’ αὐτῷ φησιν εἶναι τῶν ἐπιχωρίων, ἐκ δὲ ἀγέλησ αὐτὸν οἰκείασ ἵππῳ κρατῆσαι κέλητι.

πλησίον δὲ τοῦ Κλεογένουσ Δεινόλοχόσ τε κεῖται Πύρρου τε καὶ Τρωίλοσ Ἀλκίνου. τούτοισ γένοσ μὲν καὶ αὐτοῖσ ἐστιν ἐξ Ἤλιδοσ, γεγόνασι δέ σφισιν οὐ κατὰ ταὐτὰ αἱ νῖκαι· ἀλλὰ τῷ μὲν ἑλλανοδικεῖν τε ὁμοῦ καὶ ἵππων ὑπῆρξεν ἀνελέσθαι νίκασ τῷ Τρωίλῳ δὲ τελείᾳ τε συνωρίδι καὶ πώλων ἁρ́ματι ‐ Ὀλυμπιάδι δὲ ἐκράτει δευτέρᾳ πρὸσ ταῖσ ἑκατόν, ἀπὸ τούτου δὲ καὶ νόμοσ ἐγένετο Ἠλείοισ μηδὲ ἵππουσ τοῦ λοιποῦ τῶν ἑλλανοδικούντων καθιέναι μηδένα ‐ , τούτου μὲν δὴ τὸν ἀνδριάντα ἐποίησε Λύσιπποσ· ἡ δὲ τοῦ Δεινολόχου μήτηρ εἶδεν ὄψιν ὀνείρατοσ ὡσ ἔχοιτο τοῦ παιδὸσ ἐν τοῖσ κόλποισ ἐστεφανωμένου, καὶ τοῦδε ἕνεκα ἐσ τὸν ἀγῶνα ὁ Δεινόλοχοσ ἠσκήθη καὶ τοὺσ παῖδασ παρέθει τρέχων.

Σικυωνίου δὲ Κλέωνόσ ἐστιν <ἡ> εἰκών. ἐσ δὲ τὴν Ἀρχιδάμου Κυνίσκαν, ἐσ τὸ γένοσ τε αὐτῆσ καὶ ἐπὶ ταῖσ Ὀλυμπικαῖσ νίκαισ, πρότερον ἔτι ἐδήλωσα ἐν τοῖσ λόγοισ οἳ ἐσ τοὺσ βασιλέασ τοὺσ Λακεδαιμονίων ἔχουσι·

πεποίηται δὲ ἐν Ὀλυμπίᾳ παρὰ τὸν ἀνδριάντα τοῦ Τρωίλου λίθου κρηπὶσ καὶ ἁρ́μα τε ἵππων καὶ ἀνὴρ ἡνίοχοσ καὶ αὐτῆσ Κυνίσκασ εἰκών, Ἀπελλοῦ τέχνη, γέγραπται δὲ καὶ ἐπιγράμματα ἐσ τὴν Κυνίσκαν ἔχοντα.

εἰσὶ δὲ Λακεδαιμόνιοι καὶ ἐφεξῆσ ἀνακείμενοι τῇ Κυνίσκᾳ, ἵππων νῖκαι γεγόνασιν αὐτοῖσ·

Ἀνάξανδροσ μὲν ἁρ́ματι ἀνηγορεύθη πρῶτοσ, τὸ δὲ ἐπίγραμμά φησι τὸ ἐπ’ αὐτῷ τοῦ πατρὸσ τοῦ Ἀναξάνδρου πρότερον ἔτι στεφανωθῆναι τὸν πατέρα πεντάθλῳ. οὗτοσ μὲν δὴ ἐοίκεν εὐχόμενοσ τῷ θεῷ, Πολυκλῆσ <δὲ> ἐπίκλησιν λαβὼν Πολύχαλκοσ τεθρίππῳ μὲν καὶ οὗτοσ ἐκράτησεν, ἡ δὲ εἰκὼν ἐπὶ τῇ χειρὶ ἔχει οἱ τῇ δεξιᾷ ταινίαν· παρὰ δὲ αὐτῷ παιδία δύο τὸ μὲν τροχὸν κατέχει, τὸ δὲ αἰτεῖ τὴν ταινίαν.

ἐνίκησε δὲ ὁ Πολυκλῆσ ἵπποισ, ὡσ τὸ ἐπίγραμμα τὸ ἐπ’ αὐτῷ λέγει, καὶ Πυθοῖ καὶ Ἰσθμοῖ τε καὶ Νεμέᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Β, chapter 1

(파우사니아스, Description of Greece, Ἠλιακῶν Β, chapter 1)

상위

목록

SEARCH

MENU NAVIGATION