헬라어 문장 검색 - Αρριαν́Αναβασί3́29́

(아리아노스, Anabasis, book 3, chapter 29)

τὴν στρατιὰν ἐσ Αὄρνόν τε ἦγε καὶ Βάκτρα, αἳ δὴ μέγισταί εἰσι πόλεισ ἐν τῇ Βακτρίων χώρᾳ. καὶ ταύτασ τε ἐξ ἐφόδου ἔλαβε καὶ φυλακὴν ἐν τῇ ἄκρᾳ τῆσ Αὄρνου ἀπέλιπε καὶ ἐπὶ ταύτησ Ἀρχέλαον τὸν Ἀνδρόκλου τῶν ἑταίρων· τοῖσ δὲ ἄλλοισ Βακτρίοισ οὐ χαλεπῶσ προσχωρήσασιν ἐπέταξε σατράπην Ἀρτάβαζον τὸν Πέρσην. Αὐτὸσ δὲ ἦγεν ὡσ ἐπὶ τὸν Ὄξον ποταμόν. ὁ δὲ Ὄξοσ ῥέει μὲν ἐκ τοῦ ὄρουσ τοῦ Καυκάσου, ἔστι δὲ ποταμῶν μέγιστοσ τῶν ἐν τῇ Ἀσίᾳ, ὅσουσ γε δὴ Ἀλέξανδροσ καὶ οἱ ξὺν Ἀλεξάνδρῳ ἐπῆλθον, πλὴν τῶν Ἰνδῶν ποταμῶν·

οἱ δὲ Ἰνδοὶ πάντων ποταμῶν μέγιστοί εἰσιν. ἐξίησι δὲ ὁ Ὄξοσ ἐσ τὴν μεγάλην θάλασσαν τὴν κατὰ Ὑρκανίαν. διαβάλλειν δὲ ἐπιχειροῦντι αὐτῷ τὸν ποταμὸν πάντῃ ἄπορον ἐφαίνετο·

τὸ μὲν γὰρ εὖροσ ἦν ἐσ ἓξ μάλιστα σταδίουσ, βάθοσ δὲ οὐ πρὸσ λόγον τοῦ εὔρουσ, ἀλλὰ πολὺ δή τι βαθύτεροσ καὶ ψαμμώδησ καὶ ῥεῦμα ὀξύσ, ὡσ τὰ καταπηγνύμενα πρὸσ αὐτοῦ τοῦ ῥοῦ ἐκστρέφεσθαι ἐκ τῆσ γῆσ οὐ χαλεπῶσ, οἱᾶ δὴ οὐδὲ βεβαίωσ κατὰ τῆσ ψάμμου ἱδρυμένα. ἄλλωσ τε καὶ ἀπορία ὕλησ ἐν τοῖσ πόνοισ ἦν καὶ τριβὴ πολλὴ ἐφαίνετο, εἰ μακρόθεν μετίοιεν ὅσα ἐσ γεφύρωσιν τοῦ πόρου.

ξυναγαγὼν οὖν τὰσ διφθέρασ, ὑφ̓ αἷσ ἐσκήνουν οἱ στρατιῶται, φορυτοῦ ἐμπλῆσαί ἐκέλευσεν ὡσ ξηροτάτου καὶ καταδῆσαί τε καὶ ξυρράψαι ἀκριβῶσ, τοῦ μὴ ἐσδύεσθαι ἐσ αὐτὰσ τοῦ ὕδατοσ. ἐμπλησθεῖσαι δὲ καὶ ξυρραφεῖσαι ἱκαναὶ ἐγένοντο διαβιβάσαι τὴν στρατιὰν ἐν πέντε ἡμέραισ. Πρὶν δὲ διαβαίνειν τὸν ποταμὸν τῶν τε Μακεδόνων ἐπιλέξασ τοὺσ πρεσβυτάτουσ καὶ ἤδη ἀπολέμουσ καὶ τῶν Θεσσαλῶν τοὺσ ἐθελοντὰσ καταμείναντασ ἐπ̓ οἴκου ἀπέστειλεν.

ἐκπέμπει δὲ καὶ Στασάνορα, ἕνα τῶν ἑταίρων, ἐσ Ἀρείουσ, προστάξασ Ἀρσάκην μὲν τὸν σατράπην τῶν Ἀρείων ξυλλαβεῖν, ὅτι ἐθελοκακεῖν αὐτῷ Ἀρσάκησ ἔδοξεν, αὐτὸν δὲ σατράπην εἶναι ἀντ̓ ἐκείνου Ἀρείων. Περάσασ δὲ τὸν Ὄξον ποταμὸν ἦγε κατὰ σπουδήν, ἵνα Βῆσσον εἶναι ξὺν τῇ δυνάμει ἐπυνθάνετο.

καὶ ἐν τούτῳ ἀφικνοῦνται παρὰ Σπιταμένουσ καὶ Δαταφέρνου πρὸσ αὐτὸν ἀγγέλλοντεσ, ὅτι Σπιταμένησ καὶ Δαταφέρνησ, εἰ πεμφθείη αὐτοῖσ καὶ ὀλίγη στρατιὰ καὶ ἡγεμὼν τῇ στρατιᾷ, ξυλλήψονται Βῆσσον καὶ παραδώσουσιν Ἀλεξάνδρῳ· ἐπεὶ καὶ ἀδέσμῳ φυλακῇ φυλάσσεσθαι πρὸσ αὐτῶν Βῆσσον. ταῦτα ὡσ ἤκουσεν Ἀλέξανδροσ, αὐτὸσ μὲν ἀναπαύων ἦγε τὴν στρατιὰν σχολαίτερον ἢ πρόσθεν, Πτολεμαῖον δὲ τὸν Λάγου ἀποστέλλει τῶν τε ἑταίρων ἱππαρχίασ τρεῖσ ἄγοντα καὶ τοὺσ ἱππακοντιστὰσ ξύμπαντασ, πεζῶν δὲ τήν τε Φιλώτα τάξιν καὶ τῶν ὑπασπιστῶν χιλιαρχίαν μίαν καὶ τοὺσ Ἀγριᾶνασ πάντασ καὶ τῶν τοξοτῶν τοὺσ ἡμίσεασ, σπουδῇ ἐλαύνειν κελεύσασ ὡσ Σπιταμένην τε καὶ Δαταφέρνην.

καὶ Πτολεμαῖοσ ᾔει ὡσ ἐτέτακτο, καὶ διελθὼν ἐν ἡμέραισ τέτταρσι σταθμοὺσ δέκα ἀφικνεῖται ἐσ τὸ στρατόπεδον, οὗ τῇ προτεραίᾳ ηὐλισμένοι ἦσαν οἱ ἀμφὶ τὸν Σπιταμένην βάρβαροι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 3, chapter 29

(아리아노스, Anabasis, book 3, chapter 29)

상위

목록

SEARCH

MENU NAVIGATION