헬라어 문장 검색 - ΑριστόΑτηενιά1́50́

(아리스토텔레스, 아테네인들의 정치체제, work Ath. Pol., chapter 49)

δοκιμάζει δὲ καὶ τοὺσ ἵππουσ ἡ βουλή, κἂν μέν τισ καλὸν ἵππον ἔχων κακῶσ δοκῇ τρέφειν, ζημιοῖ τῷ σίτῳ· τοῖσ δὲ μὴ δυναμένοισ ἀκολουθεῖν, ἢ μὴ θέλουσι μένειν ἀλλ’ ἀνάγουσι, τροχὸν ἐπὶ τὴν γνάθον ἐπιβάλλει, καὶ ὁ τοῦτο παθὼν ἀδόκιμόσ ἐστι. δοκιμάζει δὲ καὶ τοὺσ προδρόμουσ, οἵτινεσ ἂν αὐτῇ δοκῶσιν ἐπιτήδειοι προδρομεύειν εἶναι, κἄν τιν’ ἀποχειροτονήσῃ, καταβέβηκεν οὗτοσ. δοκιμάζει δὲ καὶ τοὺσ ἁμίππουσ, κἄν τιν’ ἀποχειροτονήσῃ, πέπαυται μισθοφορῶν οὗτοσ. τοὺσ δ’ ἱππέασ καταλέγουσι μὲν οἱ καταλογεῖσ, οὓσ ἂν ὁ δῆμοσ χειροτονήσῃ δέκα ἄνδρασ·

οὓσ δ’ ἂν καταλέξωσι, παραδιδόασι τοῖσ ἱππάρχοισ καὶ φυλάρχοισ, οὗτοι δὲ παραλαβόντεσ εἰσφέρουσι τὸν κατάλογον εἰσ τὴν βουλήν, καὶ τὸν πίνακ’ ἀνοίξαντεσ, ἐν ᾧ κατασεσημασμένα τὰ ὀνόματα τῶν ἱππέων ἐστί, τοὺσ μὲν ἐξομνυμένουσ τῶν πρότερον ἐγγεγραμμένων μὴ δυνατοὺσ εἶναι τοῖσ σώμασιν ἱππεύειν ἐξαλείφουσι, τοὺσ δὲ κατειλεγμένουσ καλοῦσι, κἂν μέν τισ ἐξομόσηται μὴ δύνασθαι τῷ σώματι ἱππεύειν ἢ τῇ οὐσίᾳ, τοῦτον ἀφιᾶσιν, τὸν δὲ μὴ ἐξομνύμενον διαχειροτονοῦσιν οἱ βουλευταί, πότερον ἐπιτήδειόσ ἐστιν ἱππεύειν ἢ οὔ. κἂν μὲν χειροτονήσωσιν, ἐγγράφουσιν εἰσ τὸν πίνακα, εἰ δὲ μή, καὶ τοῦτον ἀφιᾶσιν. ἔκρινεν δέ ποτε καὶ τὰ παραδείγματα καὶ τὸν πέπλον ἡ βουλή, νῦν δὲ τὸ δικαστήριον τὸ λαχόν·

ἐδόκουν γὰρ οὗτοι καταχαρίζεσθαι τὴν κρίσιν. καὶ τῆσ ποιήσεωσ τῶν Νικῶν καὶ τῶν ἄθλων τῶν εἰσ τὰ Παναθήναια συνεπιμελεῖται μετὰ τοῦ ταμίου τῶν στρατιωτικῶν. δοκιμάζει δὲ καὶ τοὺσ ἀδυνάτουσ ἡ βουλή·

νόμοσ γάρ ἐστιν, ὃσ κελεύει τοὺσ ἐντὸσ τριῶν μνῶν κεκτημένουσ καὶ τὸ σῶμα πεπηρωμένουσ, ὥστε μὴ δύνασθαι μηδὲν ἔργον ἐργάζεσθαι, δοκιμάζειν μὲν τὴν βουλήν, διδόναι δὲ δημοσίᾳ τροφὴν δύο ὀβολοὺσ ἑκάστῳ τῆσ ἡμέρασ. καὶ ταμίασ ἐστὶν αὐτοῖσ κληρωτόσ. συνδιοικεῖ δὲ καὶ ταῖσ ἄλλαισ ἀρχαῖσ τὰ πλεῖσθ’ ὡσ ἔποσ εἰπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 49

(아리스토텔레스, 아테네인들의 정치체제, work Ath. Pol., chapter 49)

상위

목록

SEARCH

MENU NAVIGATION