헬라어 문장 검색 - ΑριστόΑτηενιά1́39́

(아리스토텔레스, 아테네인들의 정치체제, work Ath. Pol., chapter 38)

μετὰ δὲ ταῦτα καταλαβόντων τῶν ἀπὸ Φυλῆσ τὴν Μουνιχίαν, καὶ νικησάντων μάχῃ τοὺσ μετὰ τῶν τριάκοντα βοηθήσαντασ, ἐπαναχωρήσαντεσ μετὰ τὸν κίνδυνον οἱ ἐκ τοῦ ἄστεωσ, καὶ συναθροισθέντεσ εἰσ τὴν ἀγορὰν τῇ ὑστεραίᾳ τοὺσ μὲν τριάκοντα κατέλυσαν, αἱροῦνται δὲ δέκα τῶν πολιτῶν αὐτοκράτορασ ἐπὶ τὴν τοῦ πολέμου κατάλυσιν. οἱ δὲ παραλαβόντεσ τὴν ἀρχήν, ἐφ’ οἷσ μὲν ᾑρέθησαν οὐκ ἔπραττον, ἔπεμπον δ’ εἰσ Λακεδαίμονα βοήθειαν μεταπεμπόμενοι καὶ χρήματα δανειζόμενοι. χαλεπῶσ δὲ φερόντων ἐπὶ τούτοισ τῶν ἐν τῇ πολιτείᾳ, φοβούμενοι μὴ καταλυθῶσιν τῆσ ἀρχῆσ, καὶ βουλόμενοι καταπλῆξαι τοὺσ ἄλλουσ ὅπερ ἐγένετο, συλλαβόντεσ Δημάρετον οὐδενὸσ ὄντα δεύτερον τῶν πολιτῶν ἀπέκτειναν, καὶ τὰ πράγματα βεβαίωσ εἶχον, συναγωνιζομένου Καλλιβίου τε καὶ τῶν Πελοποννησίων τῶν παρόντων, καὶ πρὸσ τούτοισ ἐνίων τῶν ἐν τοῖσ ἱππεῦσι·

τούτων γάρ τινεσ μάλιστα τῶν πολιτῶν ἐσπούδαζον μὴ κατελθεῖν τοὺσ ἀπὸ Φυλῆσ. ὡσ δ’ οἱ τὸν Πειραιέα καὶ τὴν Μουνιχίαν ἔχοντεσ, ἀποστάντοσ ἅπαντοσ τοῦ δήμου πρὸσ αὐτούσ, ἐπεκράτουν τῷ πολέμῳ, τότε καταλύσαντεσ τοὺσ δέκα τοὺσ πρώτουσ αἱρεθέντασ ἄλλουσ εἵλοντο δέκα τοὺσ βελτίστουσ εἶναι δοκοῦντασ, ἐφ’ ὧν συνέβη καὶ τὰσ διαλύσεισ γενέσθαι καὶ κατελθεῖν τὸν δῆμον, συναγωνιζομένων καὶ προθυμουμένων τούτων.

προειστήκεσαν δ’ αὐτῶν μάλιστα Ῥίνων τε ὁ Παιανιεὺσ καὶ Φάυλλοσ ὁ Ἀχερδούσιοσ· οὗτοι γὰρ πρίν τε Παυσανίαν τ’ ἀφικέσθαι διεπέμποντο πρὸσ τοὺσ ἐν Πειραιεῖ, καὶ ἀφικομένου συνεσπούδασαν τὴν κάθοδον. ἐπὶ πέρασ γὰρ ἤγαγε τὴν εἰρήνην καὶ τὰσ διαλύσεισ Παυσανίασ ὁ τῶν Λακεδαιμονίων βασιλεύσ, μετὰ τῶν δέκα διαλλακτῶν τῶν ὕστερον ἀφικομένων ἐκ Λακεδαίμονοσ, οὓσ αὐτὸσ ἐσπούδασεν ἐλθεῖν·

οἱ δὲ περὶ τὸν Ῥίνωνα διά τε τὴν εὔνοιαν τὴν εἰσ τὸν δῆμον ἐπῃνέθησαν, καὶ λαβόντεσ τὴν ἐπιμέλειαν ἐν ὀλιγαρχίᾳ, τὰσ εὐθύνασ ἔδοσαν ἐν δημοκρατίᾳ, καὶ οὐδεὶσ οὐδὲν ἐνεκάλεσεν αὐτοῖσ, οὔτε τῶν ἐν ἄστει μεινάντων, οὔτε τῶν ἐκ Πειραιέωσ κατελθόντων, ἀλλὰ διὰ ταῦτα καὶ στρατηγὸσ εὐθὺσ ᾑρέθη Ῥίνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Athenian Constitution, work Ath. Pol., chapter 38

(아리스토텔레스, 아테네인들의 정치체제, work Ath. Pol., chapter 38)

상위

목록

SEARCH

MENU NAVIGATION