Lysias, Speeches, Κατὰ Νικομάχουγραμματέωσ εὐθυνῶν κατηγορία 19:

καὶ περὶ τούτων οὐδένα ἂν ἐποιησάμην λόγον, εἰ μὴ ᾐσθανόμην αὐτὸν ὡσ δημοτικὸν ὄντα πειρασόμενον παρὰ τὸ δίκαιον σῴζεσθαι, καὶ τῆσ εὐνοίασ τῆσ εἰσ τὸ πλῆθοσ τεκμηρίῳ χρησόμενον ὅτι ἔφυγεν. ἐγὼ δὲ καὶ ἑτέρουσ ἂν ἔχοιμι ἐπιδεῖξαι τῶν συγκαταλυσάντων τὸν δῆμον τοὺσ μὲν ἀποθανόντασ, τοὺσ δὲ φυγόντασ τε καὶ οὐ μετασχόντασ τῆσ πολιτείασ, ὥστε οὐδένα εἰκὸσ αὐτῷ τούτου ὑπόλογον γενέσθαι.