Lysias, Speeches, Κατὰ Ἀγοράτου ἐνδείξεως 34:

ἐπειδὴ δὲ εἰσ τὴν βουλὴν ἐκομίσθησαν, ἀπογράφει Ἀγόρατοσ πρῶτον μὲν τῶν αὑτοῦ ἐγγυητῶν τὰ ὀνόματα, ἔπειτα τῶν στρατηγῶν καὶ τῶν ταξιάρχων, ἔπειτα δὲ καὶ ἄλλων τινῶν πολιτῶν. ἡ δὲ ἀρχὴ αὕτη τοῦ παντὸσ κακοῦ ἐγένετο. ὡσ δὲ ἀπέγραψε τὰ ὀνόματα, οἶμαι μὲν καὶ αὐτὸν ὁμολογήσειν· εἰ δὲ μή, ἐπ’ αὐτοφώρῳ ἐγὼ αὐτὸν ἐξελέγξω. ἀπόκριναι δή μοι. Ἐρώτησισ ἐβούλοντο τοίνυν, ὦ ἄνδρεσ δικασταί, ἔτι πλειόνων αὐτὸν τὰ ὀνόματα ἀπογράψαι·