Lysias, Speeches, Κατὰ Διογείτονος 29:

εἰσ τοίνυν τὰσ ἄλλασ ἑορτὰσ καὶ θυσίασ ἐλογίσατο αὐτοῖσ πλεῖν ἢ τετρακισχιλίασ δραχμὰσ ἀνηλωμένασ, ἕτερά τε παμπληθῆ, ἃ πρὸσ τὸ κεφάλαιον συνελογίζετο, ὥσπερ διὰ τοῦτο ἐπίτροποσ τῶν παιδίων καταλειφθείσ, ἵνα γράμματα αὐτοῖσ ἀντὶ τῶν χρημάτων ἀποδείξειεν καὶ πενεστάτουσ ἀντὶ πλουσίων ἀποφήνειε, καὶ ἵνα, εἰ μέν τισ αὐτοῖσ πατρικὸσ ἐχθρὸσ ἦν, ἐκείνου μὲν ἐπιλάθωνται, τῷ δ’ ἐπιτρόπῳ τῶν πατρῴων ἀπεστερημένοι πολεμῶσι. καίτοι εἰ ἐβούλετο δίκαιοσ εἶναι περὶ τοὺσ παῖδασ, ἐξῆν αὐτῷ κατὰ τοὺσ νόμουσ, οἳ κεῖνται περὶ τῶν ὀρφανῶν καὶ τοῖσ ἀδυνάτοισ τῶν ἐπιτρόπων καὶ τοῖσ δυναμένοισ, μισθῶσαι τὸν οἶκον ἀπηλλαγμένον πολλῶν πραγμάτων, ἢ γῆν πριάμενον ἐκ τῶν προσιόντων τοὺσ παῖδασ τρέφειν·