Lysias, Speeches, Κατὰ Διογείτονος 28:

εἰσ δὲ τὸ μνῆμα τοῦ πατρὸσ οὐκ ἀναλώσασ πέντε καὶ εἴκοσι μνᾶσ ἐκ πεντακισχιλίων δραχμῶν, τὸ μὲν ἥμισυ αὑτῷ τίθησι, <τὸ δὲ> τούτοισ λελόγισται. εἰσ Διονύσια τοίνυν, ὦ ἄνδρεσ δικασταί, οὐκ ἄτοπον γάρ μοι δοκεῖ καὶ περὶ τούτου μνησθῆναι ἑκκαίδεκα δραχμῶν ἀπέφηνεν ἐωνημένον ἀρνίον, καὶ τούτων τὰσ ὀκτὼ δραχμὰσ ἐλογίζετο τοῖσ παισίν· ἐφ’ ᾧ ἡμεῖσ οὐχ ἥκιστα ὠργίσθημεν. οὕτωσ, ὦ ἄνδρεσ, ἐν ταῖσ μεγάλαισ ζημίαισ ἐνίοτε οὐχ ἧττον τὰ μικρὰ λυπεῖ τοὺσ ἀδικουμένουσ· λίαν γὰρ φανερὰν τὴν πονηρίαν τῶν ἀδικούντων ἐπιδείκνυσιν.