Lysias, Speeches, Κατὰ Διογείτονος 19:

ἀπέφηνε δ’ αὐτὸν ἑκατὸν μνᾶσ κεκομισμένον ἐγγείῳ ἐπὶ τόκῳ δεδανεισμένασ, καὶ ἑτέρασ δισχιλίασ δραχμὰσ καὶ ἔπιπλα πολλοῦ ἄξια· φοιτᾶν δὲ καὶ σῖτον αὐτοῖσ ἐκ Χερρονήσου καθ’ ἕκαστον ἐνιαυτόν. "ἔπειτα σὺ ἐτόλμησασ" ἔφη " εἰπεῖν, ἔχων τοσαῦτα χρήματα, ὡσ δισχιλίασ δραχμὰσ ὁ τούτων πατὴρ κατέλιπε καὶ τριάκοντα στατῆρασ ἅπερ ἐμοὶ καταλειφθέντα ἐκείνου τελευτήσαντοσ ἐγώ σοι ἔδωκα;