Lysias, Speeches, Κατὰ Φίλωνοσ δοκιμασίας 33:

πότερον ὡσ οὐχ ἡμαρτηκότα; ἀλλὰ τὰ μέγιστα περὶ τὴν πατρίδα ἠδίκηκεν· ἀλλ’ ὡσ ἔσται βελτίων; τοιγάρτοι πρότερον βελτίων γενόμενοσ περὶ τὴν πόλιν ὕστερον βουλεύειν ἀξιούτω, φανερόν τι ἀγαθὸν ὥσπερ τότε κακὸν ποιήσασ. σωφρονέστερον γάρ ἐστιν ὕστερον πᾶσι τῶν ἔργων τὰσ χάριτασ ἀποδιδόναι· δεινὸν γὰρ ἔμοιγε δοκεῖ εἶναι, εἰ ἐξ ὧν μὲν ἤδη ἡμάρτηκε μηδέποτε τιμωρηθήσεται, ἐξ ὧν δὲ μέλλει εὖ ποιήσειν ἤδη τετιμήσεται.