Lysias, Speeches, Κατὰ Φίλωνοσ δοκιμασίας 12:

συσκευασάμενοσ γὰρ τὰ ἑαυτοῦ ἐνθένδε εἰσ τὴν ὑπερορίαν ἐξῴκησε, καὶ ἐν Ὠρωπῷ μετοίκιον κατατιθεὶσ ἐπὶ προστάτου ᾤκει, βουληθεὶσ παρ’ ἐκείνοισ μετοικεῖν μᾶλλον ἢ μεθ’ ἡμῶν πολίτησ εἶναι. οὐ τοίνυν οὐδ’ ὥσπερ ἔνιοί τινεσ τῶν πολιτῶν μετεβάλοντο, ἐπειδὴ ἑώρων τοὺσ ἀπὸ Φυλῆσ ἐν οἷσ ἔπραττον εὐτυχοῦντασ, οὐδὲ τούτων τι τῶν εὐτυχημάτων ἠξίωσε μετασχεῖν, ἐπὶ κατειργασμένοισ μᾶλλον ἐλθεῖν βουλόμενοσ ἢ συγκατελθεῖν κατεργασάμενόσ τι τῶν τῇ κοινῇ πολιτείᾳ συμφερόντων· οὐ γὰρ ἦλθεν εἰσ τὸν Πειραιᾶ, οὐδ’ ἔστιν ὅπου ἑαυτὸν ὑμῖν τάξαι παρέσχεν.