Lysias, Speeches, Κατὰ Νικομάχουγραμματέωσ εὐθυνῶν κατηγορία 13:

ἐπειδὴ γὰρ ἀπολομένων τῶν νεῶν ἡ μετάστασισ ἐπράττετο, Κλεοφῶν τὴν βουλὴν ἐλοιδόρει, φάσκων συνεστάναι καὶ <οὐ> τὰ βέλτιστα βουλεύειν τῇ πόλει. Σάτυροσ δ’ ὁ Κηφισιεὺσ βουλεύων ἔπεισε τὴν βουλὴν δήσαντασ αὐτὸν παραδοῦναι δικαστηρίῳ. οἱ δὲ βουλόμενοι αὐτὸν ἀπολέσαι, δεδιότεσ μὴ οὐκ ἀποκτείνωσιν ἐν τῷ δικαστηρίῳ, πείθουσι Νικόμαχον νόμον ἀποδεῖξαι ὡσ χρὴ καὶ τὴν βουλὴν συνδικάζειν.