Lysias, Speeches, Κατὰ Νικομάχουγραμματέωσ εὐθυνῶν κατηγορία 9:

ἴσωσ δέ, ὦ ἄνδρεσ δικασταί, ἐπειδὰν περὶ αὑτοῦ μηδὲν δύνηται ἀπολογεῖσθαι, ἐμὲ διαβάλλειν πειράσεται. τότε δὲ περὶ τῶν ἐμῶν τούτῳ ἀξιῶ πιστεύειν ὑμᾶσ, ὁπόταν ἀπολογίασ ἐμοὶ δοθείσησ μὴ δύνωμαι ψευδόμενον αὐτὸν ἐξελέγξαι. ἐὰν δ’ ἄρα ἐπιχειρῇ λέγειν ἅπερ ἐν τῇ βουλῇ, ὡσ ἐγὼ τῶν τετρακοσίων ἐγενόμην, ἐνθυμεῖσθε ὅτι ἐκ τῶν τοιαῦτα λεγόντων τῶν τετρακοσίων πλεῖν ἢ χίλιοι γενήσονται· καὶ γὰρ τοὺσ ἔτι παῖδασ ὄντασ ἐν ἐκείνῳ τῷ χρόνῳ καὶ τοὺσ ἀποδημοῦντασ οἱ διαβάλλειν βουλόμενοι ταῦτα λοιδοροῦσιν.