Lysias, Speeches, Κατὰ Νικομάχουγραμματέωσ εὐθυνῶν κατηγορία 2:

ἤδη, ὦ ἄνδρεσ δικασταί, τινὲσ εἰσ κρίσιν καταστάντεσ ἀδικεῖν μὲν ἔδοξαν, ἀποφαίνοντεσ δὲ τὰσ τῶν προγόνων ἀρετὰσ καὶ τὰσ σφετέρασ αὐτῶν εὐεργεσίασ συγγνώμησ ἔτυχον παρ’ ὑμῶν. ἐπειδὴ τοίνυν καὶ τῶν ἀπολογουμένων ἀποδέχεσθε, ἐάν τι ἀγαθὸν φαίνωνται τὴν πόλιν πεποιηκότεσ, ἄξιον καὶ τῶν κατηγόρων ὑμᾶσ ἀκροάσασθαι, ἐὰν ἀποφαίνωσι τοὺσ φεύγοντασ πάλαι πονηροὺσ ὄντασ. ὅτι μὲν τοίνυν ὁ πατὴρ ὁ Νικομάχου δημόσιοσ ἦν, καὶ οἱᾶ νέοσ ὢν οὗτοσ ἐπετήδευσε, καὶ ὅσα ἔτη γεγονὼσ εἰσ τοὺσ φράτερασ εἰσήχθη, πολὺ ἂν ἔργον εἰή, λέγειν·