Lysias, Speeches, Κατὰ Φιλοκράτουσ ἐπίλογος 9:

ἐπειδὴ δὲ καὶ ταῦτα ἀπείληφε καὶ τῶν ἄλλων τῶν ἐκείνου κύριοσ γεγένηται, εἰσ τοῦτο τόλμησ ἐλήλυθεν, ὥστε μάρτυρασ πεπόρισται οἳ μαρτυρήσουσιν αὐτῷ ὡσ ἦν ἔχθιστοσ ἁπάντων ἀνθρώπων Ἐργοκλεῖ. καίτοι οἰέσθ’ ἂν αὐτόν, ὦ ἄνδρεσ δικασταί, εἰσ τοῦτο μανίασ ἀφικέσθαι, ὥστε Θρασυβούλου στρατηγοῦντοσ καὶ Ἐργοκλέουσ αὐτῷ διαφερομένου ἐθελοντὴν ὑποστῆναι τριήραρχον; πῶσ γὰρ ἂν θᾶττον ἀπώλετο, ἢ πῶσ ἂν μᾶλλον ἐπηρεάζετο;