Lysias, Speeches, Κατὰ Φιλοκράτουσ ἐπίλογος 3:

ἐγὼ δέ, ὦ ἄνδρεσ δικασταί, πάντασ ὑμᾶσ ἡγοῦμαι εἰδέναι ὅτι Ἐργοκλέουσ διὰ τοῦτο ὑμεῖσ θάνατον κατεχειροτονήσατε, ὅτι κακῶσ διαθεὶσ τὰ τῆσ πόλεωσ πλέον ἢ τριάκοντα ταλάντων οὐσίαν ἐκτήσατο. καὶ τούτων τῶν χρημάτων οὐδὲν ἐν τῇ πόλει φαίνεται. καίτοι ποῖ χρὴ τραπέσθαι ἢ ποῦ ζητῆσαι τὰ χρήματα; εἰ γὰρ παρὰ τοῖσ κηδεσταῖσ καὶ οἷσ ἐκεῖνοσ οἰκειότατ’ ἀνθρώπων ἐχρῆτο μὴ φανήσεται, χαλεπῶσ παρὰ τοῖσ ἐχθροῖσ εὑρεθήσεται.