Lysias, Speeches, Κατὰ Ἐπικράτουσ καὶ τῶν συμπρεσβευτῶν ἐπίλογοσ ὡσ Θεόδωρος 8:

ἥκουσι δὲ πάντεσ οἱ τὰ τῆσ πόλεωσ πράττοντεσ οὐχ ἡμῶν ἀκροασόμενοι, ἀλλ’ ὑμᾶσ εἰσόμενοι ἥντινα γνώμην περὶ τῶν ἀδικούντων ἕξετε. ὥστ’ εἰ μὲν ἀποψηφιεῖσθε τούτων, οὐδὲν δεινὸν δόξει αὐτοῖσ εἶναι ὑμᾶσ ἐξαπατήσαντασ ἐκ τῶν ὑμετέρων ὠφελεῖσθαι· ἐὰν δὲ καταψηφισάμενοι θανάτου τιμήσητε, τῇ αὐτῇ ψήφῳ τούσ τε ἄλλουσ κοσμιωτέρουσ ποιήσετε ἢ νῦν εἰσι, καὶ παρὰ τούτων δίκην εἰληφότεσ ἔσεσθε.