Lysias, Speeches, Περὶ τῆσ Εὐάνδρου δοκιμασίας 15:

ὥστε ὑμῖν καθήκειν περὶ ταύτησ τῆσ ἀρχῆσ ἀκριβεστέραν τὴν δοκιμασίαν ἢ περὶ τῶν ἄλλων ἀρχῶν ποιεῖσθαι. εἰ δὲ μή, πῶσ οἰέσθε τὸ ἄλλο πλῆθοσ τῶν πολιτῶν διακείσεσθαι, ὅταν αἴσθωνται, ὃν προσῆκε δίκασ τῶν ἡμαρτημένων διδόναι, τοῦτον ὑφ’ ὑμῶν τοιαύτησ ἀρχῆσ ἠξιωμένον; καὶ φόνου δίκασ δικάζοντα, ὃν ἔδει αὐτὸν ὑπὸ τῆσ ἐν Ἀρείῳ πάγῳ βουλῆσ κρίνεσθαι; καὶ πρὸσ τούτοισ ἴδωσιν ἐστεφανωμένον, καὶ ἐπικλήρων καὶ ὀρφανῶν κύριον γεγενημένον, ὧν ἐνίοισ αὐτὸσ τῆσ ὀρφανίασ αἴτιοσ γεγένηται;