Lysias, Speeches, Δήμου καταλύσεωσ ἀπολογία 36:

ὑμεῖσ δὲ οὕτωσ διετέθητε ὥστε τοὺσ μὲν φεύγοντασ κατεδέξασθε, τοὺσ δ’ ἀτίμουσ ἐπιτίμουσ ἐποιήσατε, τοῖσ δ’ ἄλλοισ περὶ ὁμονοίασ ὁρ́κουσ ὤμνυτε· τελευτῶντεσ δὲ ἥδιον ἂν τοὺσ ἐν τῇ δημοκρατίᾳ συκοφαντοῦντασ ἐτιμωρήσασθε ἢ τοὺσ ἄρξαντασ ἐν τῇ ὀλιγαρχίᾳ. καὶ εἰκότωσ, ὦ ἄνδρεσ δικασταί· πᾶσι γὰρ ἤδη φανερόν ἐστιν ὅτι διὰ τοὺσ μὲν ἀδίκωσ πολιτευομένουσ ἐν τῇ ὀλιγαρχίᾳ δημοκρατία γίγνεται, διὰ δὲ τοὺσ ἐν τῇ δημοκρατίᾳ συκοφαντοῦντασ ὀλιγαρχία δὶσ κατέστη. ὥστε οὐκ ἄξιον τούτοισ πολλάκισ χρῆσθαι συμβούλοισ, οἷσ οὐδὲ ἅπαξ ἐλυσιτέλησε πιθομένοισ.