Lysias, Speeches, Δήμου καταλύσεωσ ἀπολογία 35:

ἐνίων μὲν γὰρ ἔπεισαν ὑμᾶσ ἀκρίτων θάνατον καταψηφίσασθαι, πολλῶν δὲ ἀδίκωσ δημεῦσαι τὰσ οὐσίασ, τοὺσ δ’ ἐξελάσαι καὶ ἀτιμῶσαι τῶν πολιτῶν· τοιοῦτοι γὰρ ἦσαν ὥστε τοὺσ μὲν ἡμαρτηκότασ ἀργύριον λαμβάνοντεσ ἀφιέναι, τοὺσ δὲ μηδὲν ἠδικηκότασ εἰσ ὑμᾶσ εἰσιόντεσ ἀπολλύναι. καὶ οὐ πρότερον ἐπαύσαντο, ἑώσ τὴν μὲν πόλιν εἰσ στάσεισ καὶ τὰσ μεγίστασ συμφορὰσ κατέστησαν, αὐτοὶ δ’ ἐκ πενήτων πλούσιοι ἐγένοντο.