Lysias, Speeches, Δήμου καταλύσεωσ ἀπολογία 21:

εὖ μὲν γὰρ ποιεῖν ἐν ἐκείνῳ τῷ χρόνῳ χαλεπὸν ἦν, ἐξαμαρτάνειν δὲ τῷ βουλομένῳ ῥᾴδιον. οὐ τοίνυν οὐδ’ εἰσ τὸν κατάλογον Ἀθηναίων καταλέξασ οὐδένα φανήσομαι, οὐδὲ δίαιταν καταδιαιτησάμενοσ οὐδενόσ, οὐδὲ πλουσιώτεροσ ἐκ τῶν ὑμετέρων γεγονὼσ συμφορῶν. καίτοι εἰ τοῖσ τῶν γεγενημένων κακῶν αἰτίοισ ὀργίζεσθε, εἰκὸσ καὶ τοὺσ μηδὲν ἡμαρτηκότασ βελτίουσ ὑφ’ ὑμῶν νομίζεσθαι. καὶ μὲν δή, ὦ ἄνδρεσ δικασταί, μεγίστην ἡγοῦμαι περὶ ἐμαυτοῦ τῇ δημοκρατίᾳ πίστιν δεδωκέναι.