Lysias, Speeches, Πρὸσ τὴν εἰσαγγελίαν περὶ τοῦ μὴ δίδοσθαι τῷ ἀδυνάτῳ ἀργύριον 17:

τοσοῦτον δὲ διενήνοχεν ἀναισχυντίᾳ τῶν ἁπάντων ἀνθρώπων, ὥστε ὑμᾶσ πειρᾶται πείθειν, τοσούτουσ ὄντασ εἵσ ὤν, ὡσ οὐκ εἰμὶ τῶν ἀδυνάτων ἐγώ. καίτοι εἰ τοῦτο πείσει τινὰσ ὑμῶν, ὦ βουλή, τί με κωλύει κληροῦσθαι τῶν ἐννέα ἀρχόντων, καὶ ὑμᾶσ ἐμοῦ μὲν ἀφελέσθαι τὸν ὀβολὸν ὡσ ὑγιαίνοντοσ, τούτῳ δὲ ψηφίσασθαι πάντασ ὡσ ἀναπήρῳ; οὐ γὰρ δήπου τὸν αὐτὸν ὑμεῖσ μὲν ὡσ δυνάμενον ἀφαιρήσεσθε τὸ διδόμενον, οἱ δὲ <θεσμοθέται> ὡσ ἀδύνατον ὄντα κληροῦσθαι κωλύσουσιν.