Lysias, Speeches, Ὑπὲρ τῶν Ἀριστοφάνουσ χρημάτων, πρὸσ τὸ δημόσιον 62:

φαινόμεθα δὴ καὶ τῶν ἀρχαιοπλούτων πολὺ ἐψευσμένοι καὶ τῶν νεωστὶ ἐν δόξῃ γεγενημένων. αἴτιον δέ μοι δοκεῖ εἶναι, ὅτι ῥαδίωσ τινὲσ τολμῶσι λέγειν ὡσ ὁ δεῖνα ἔχει τάλαντα πολλὰ ἐκ τῆσ ἀρχῆσ. καὶ ὅσα μὲν περὶ τεθνεώτων λέγουσιν, οὐ πάνυ θαυμάζω οὐ γὰρ ὑπό γε ἐκείνων ἐξελεγχθεῖεν ἄν, ἀλλ’ ὅσα ζώντων ἐπιχειροῦσι καταψεύδεσθαι. αὐτοὶ γὰρ ἔναγχοσ ἠκούετε ἐν τῇ ἐκκλησίᾳ, ὡσ Διότιμοσ ἔχοι τάλαντα τετταράκοντα πλείω ἢ ὅσα αὐτὸσ ὡμολόγει παρὰ τῶν ναυκλήρων καὶ ἐμπόρων·