Lysias, Speeches, Ὑπὲρ τῶν Ἀριστοφάνουσ χρημάτων, πρὸσ τὸ δημόσιον 13:

χαλεπὸν μὲν οὖν, ὦ ἄνδρεσ δικασταί, ἀπολογεῖσθαι πρὸσ δόξαν ἣν ἔνιοι ἔχουσι περὶ τῆσ Νικοφήμου οὐσίασ, καὶ σπάνιν ἀργυρίου ἣ νῦν ἐστιν ἐν τῇ πόλει, καὶ τοῦ ἀγῶνοσ πρὸσ τὸ δημόσιον ὄντοσ· ὅμωσ δὲ καὶ τούτων ὑπαρχόντων ῥᾳδίωσ γνώσεσθε ὅτι οὐκ ἀληθῆ ἐστι τὰ κατηγορημένα. δέομαι δ’ ὑμῶν πάσῃ τέχνῃ καὶ μηχανῇ μετ’ εὐνοίασ ἀκροασαμένουσ ἡμῶν διὰ τέλουσ ὅ τι ἂν ὑμῖν ἄριστον καὶ εὐορκότατον νομίζητε εἶναι, τοῦτο ψηφίσασθαι.