Lysias, Speeches, Περὶ τῶν Ἐράτωνοσ χρημάτων· πρὸσ τὸ δημόσιον 6:

ἐπειδὴ δὲ ἐτελεύτησε καταλιπὼν ὑοὺσ τρεῖσ, Ἐρασιφῶντα καὶ Ἐράτωνα καὶ Ἐρασίστρατον, οὗτοι οὐδὲν ἔτι ἡμῖν τῶν δικαίων ἐποίουν. ἐν μὲν οὖν τῷ πολέμῳ, διότι οὐκ ἦσαν δίκαι, οὐ δυνατοὶ ἦμεν παρ’ αὐτῶν ἃ ὤφειλον πράξασθαι· ἐπειδὴ δὲ εἰρήνη ἐγένετο, ὅτε περ πρῶτον αἱ ἀστικαὶ δίκαι ἐδικάζοντο, λαχὼν ὁ πατὴρ παντὸσ τοῦ συμβολαίου Ἐρασιστράτῳ, ὅσπερ μόνοσ τῶν ἀδελφῶν ἐπεδήμει, κατεδικάσατο ἐπὶ Ξεναινέτου ἄρχοντοσ. μάρτυρασ δὲ καὶ τούτων παρέξομαι ὑμῖν. καί μοι κάλει μάρτυρασ. Μάρτυρεσ ὅτι μὲν τὰ Ἐράτωνοσ δικαίωσ ἂν ἡμέτερα εἰή, ἐκ τούτων ῥᾴδιον εἰδέναι, ὅτι δὲ πάντα δημεύεται, ἐξ αὐτῶν <τῶν> ἀπογραφῶν·