Lysias, Speeches, Κατὰ Ἀλκιβιάδου ἀστρατείας 10:

νῦν δὲ τούτων οὐδὲν ἐποίησαν, ἀλλ’ ἐν μὲν τῷ στρατοπέδῳ περιεώρων αὐτὸν ὑπὸ πάντων προπηλακιζόμενον κἀν τοῖσ ἱπποτοξόταισ ἱππεύοντα, ἐπειδὴ δὲ ὑμᾶσ δεῖ παρὰ τῶν ἀδικούντων δίκην λαμβάνειν, χαριζόμενοι μαρτυροῦσιν ὑφ’ ἑαυτῶν αὐτὸν τετάχθαι. καίτοι δεινόν, ὦ ἄνδρεσ δικασταί, αὐτοὺσ μὲν τοὺσ στρατηγοὺσ ὑπὸ τοῦ δήμου χειροτονηθέντασ μὴ ἂν τολμῆσαι πρότερον ἡμῶν ἡγήσασθαι, ἑώσ ἂν ἐδοκιμάσθησαν κατὰ τοὺσ νόμουσ, Ἀλκιβιάδην δὲ τολμᾶν παρὰ τοὺσ τῆσ πόλεωσ νόμουσ ὑπ’ αὐτῶν ταχθῆναι.