Lysias, Speeches, Κατὰ Ἀλκιβιάδου λιποταξίου 15:

ἐνθυμηθῆναι δὲ χρὴ ὅτι, εἰ ἐξέσται ὅ τι ἄν τισ βούληται ποιεῖν, οὐδὲν ὄφελοσ νόμουσ κεῖσθαι ἢ ὑμᾶσ συλλέγεσθαι ἢ στρατηγοὺσ αἱρεῖσθαι. θαυμάζω δέ, ὦ ἄνδρεσ δικασταί, εἴ τισ ἀξιοῖ, ἐὰν μέν τισ προσιόντων τῶν πολεμίων τῆσ πρώτησ τάξεωσ τεταγμένοσ τῆσ δευτέρασ γένηται, τούτου μὲν δειλίαν καταψηφίζεσθαι, ἐὰν δέ τισ ἐν τοῖσ ὁπλίταισ τεταγμένοσ ἐν τοῖσ ἱππεῦσιν ἀναφανῇ, τούτῳ συγγνώμην ἔχειν.