Lysias, Speeches, Κατὰ Ἀλκιβιάδου λιποταξίου 4:

περὶ μὲν οὖν τῶν ἄλλων Ἀρχεστρατίδησ ἱκανῶσ κατηγόρησε· καὶ γὰρ τοὺσ νόμουσ ἐπέδειξε καὶ μάρτυρασ πάντων παρέσχετο· ὅσα δ’ οὗτοσ παραλέλοιπεν, ἐγὼ καθ’ ἕκαστον ὑμᾶσ διδάξω. ἀνάγνωθι δέ μοι τὸν νόμον. Νόμοσ εἰκὸσ τοίνυν ἐστίν, ὦ ἄνδρεσ δικασταί, ἐξ οὗ τὴν εἰρήνην ἐποιησάμεθα, πρῶτον περὶ τούτων νυνὶ δικάζοντασ μὴ μόνον δικαστὰσ ἀλλὰ καὶ νομοθέτασ αὐτοὺσ γενέσθαι, εὖ εἰδότασ ὅτι, ὅπωσ ἂν ὑμεῖσ νυνὶ περὶ αὐτῶν γνῶτε, οὕτω καὶ τὸν ἄλλον χρόνον ἡ πόλισ αὐτοῖσ χρήσεται.