Lysias, Speeches, Κατὰ Ἀγοράτου ἐνδείξεως 103:

ἀκούω δὲ αὐτὸν παρασκευάζεσθαι ἀπολογεῖσθαι, ὡσ ἐπὶ Φυλήν τε ᾤχετο καὶ συγκατῆλφεν ἀπὸ Φυλῆσ, καὶ τοῦτο μέγιστον ἀγώνισμα εἶναι. ἐγένετο δὲ τοιοῦτον· ἦλθεν οὗτοσ ἐπὶ Φυλήν· καίτοι πῶσ ἂν γένοιτο ἄνθρωποσ μιαρώτεροσ; ὅστισ εἰδὼσ ὅτι εἰσί τινεσ ἐπὶ Φυλῇ τῶν ὑπὸ τούτου ἐκπεπτωκότων ἐτόλμησεν ἐλθεῖν ὡσ τούτουσ. ἐπειδὴ δὲ εἶδον αὐτὸν τάχιστα, συλλαβόντεσ ἄγουσιν ἄντικρυσ ὡσ ἀποκτενοῦντεσ, οὗπερ καὶ τοὺσ ἄλλουσ ἀπέσφαττον, εἴ τινα λῃστὴν ἢ κακοῦργον συλλάβοιεν.