Lysias, Speeches, Κατὰ Ἀγοράτου ἐνδείξεως 45:

οἱ μὲν γὰρ τριάκοντα ἐκάθηντο ἐπὶ τῶν βάθρων, οὗ νῖν οἱ πρυτάνεισ καθέζονται· δύο δὲ τράπεζαι ἐν τῷ πρόσθεν τῶν τριάκοντα ἐκείσθην· τὴν δὲ ψῆφον οὐκ εἰσ καδίσκουσ ἀλλὰ φανερὰν ἐπὶ τὰσ τραπέζασ ταύτασ ἔδει τίθεσθαι, τὴν μὲν καθαιροῦσαν ἐπὶ τὴν ὑστέραν, ὥστε ἐκ τίνοσ τρόπου ἔμελλέ τισ αὐτῶν σωθήσεσθαι; ἑνὶ δὲ λόγῳ, ὅσοι εἰσ τὸ βουλευτήριον ἐπὶ τῶν τριάκοντα εἰσῆλθον κριθησόμενοι, ἁπάντων θάνατοσ κατεγιγνώσκετο καὶ οὐδενὸσ ἀπεψηφίσαντο, πλὴν Ἀγοράτου τουτουί·