Lysias, Speeches, Κατὰ Ἀγοράτου ἐνδείξεως 22:

ἡ δὲ βουλὴ ἡ πρὸ τῶν τριάκοντα βουλεύουσα διέφθαρτο καὶ ὀλιγαρχίασ ἐπεθύμει, ὡσ ἴστε, μάλιστα. τεκμήριον δέ· οἱ γὰρ πολλοὶ <οἱ> ἐξ ἐκείνησ τῆσ βουλῆσ τὴν ὑστέραν βουλὴν <τὴν> ἐπὶ τῶν τριάκοντα ἐβούλευον. τοῦ δ’ ἕνεκα ταῦτα λέγω ὑμῖν; ἵν’ εἰδῆτε, ὅτι τὰ ψηφίσματα <τὰ> ἐξ ἐκείνησ τῆσ βουλῆσ οὐκ ἐπ’ εὐνοίᾳ τῇ ὑμετέρᾳ ἀλλ’ ἐπὶ καταλύσει τοῦ δήμου τοῦ ὑμετέρου ἅπαντα ἐγένετο, καὶ ὡσ τοιούτοισ οὖσιν αὐτοῖσ τὸν νοῦν προσέχητε.