Lysias, Speeches, κατὰ Ερατοσθένουσ τοῦ γενομένου τῶν τριάκοντα, ὃν αὐτὸσ εἶπε Λυσίας 118:

ἀλλὰ γὰρ οὐ τὰ μέλλοντα ἔσεσθαι βούλομαι λέγειν, τὰ πραχθέντα ὑπὸ τούτων οὐ δυνάμενοσ εἰπεῖν. οὐδὲ γὰρ ἑνὸσ κατηγόρου οὐδὲ δυοῖν ἔργον ἐστίν, ἀλλὰ πολλῶν. ὅμωσ δὲ τῆσ ἐμῆσ προθυμίασ <οὐδὲν> ἐλλέλειπται, ὑπέρ <τε> τῶν ἱερῶν, ἃ οὗτοι τὰ μὲν ἀπέδοντο τὰ δ’ εἰσιόντεσ ἐμίαινον, ὑπέρ τε τῆσ πόλεωσ, ἣν μικρὰν ἐποίουν, ὑπέρ τε τῶν νεωρίων, ἃ καθεῖλον, καὶ ὑπὲρ τῶν τεθνεώτων, οἷσ ὑμεῖσ, ἐπειδὴ ζῶσιν ἐπαμῦναι οὐκ ἐδύνασθε, ἀποθανοῦσι βοηθήσατε.