Lysias, Speeches, Κατηγορία πρὸσ τοὺσ συνουσιαστὰσ κακολογιῶν 12:

ἔπειτα κακὸσ ἂν εἰήν, εἰ ταὐτὰ ποιήσαιμι αὐτὸν ἅπερ ἐκεῖνοσ ὑμᾶσ. οὐ γὰρ ἐπὶ τοῖσ αὐτοῖσ ἐκεῖνοσ ἡμῖν ἀπήγγελλεν, ἐφ’ οἷπερ ὑμεῖσ ἐλέγετε πρὸσ ἐκεῖνον. ἐκεῖνοσ μὲν γὰρ ἐμοὶ χαριζόμενοσ ἀπήγγειλε τοῖσ ἐμοῖσ ἀναγκαίοισ, ὑμεῖσ δὲ βλάπτειν ἐμὲ βουλόμενοι πρὸσ ἐκεῖνον ἐλέγετε. καὶ ταῦτα εἰ μὲν ἠπίστουν, ἐξελέγχειν ἂν ἐζήτουν· νῦν δὲ ξυμβαίνει γὰρ καὶ ταῦτα τοῖσ πρὸ τοῦ, καὶ ἐμοὶ σημεῖα ταῦτα μὲν ἐκείνων ἐστίν, ἐκεῖνα δὲ τούτων ἱκανά πρῶτον μὲν ἅπαντα δι’ ὑμῶν πράξαντά με περὶ τῆσ θέσεωσ τοῦ ἵππου πρὸσ Ἡγέμαχον, κάμνοντα τὸν ἵππον ἀνάγειν με βουλόμενον Διόδωροσ οὑτοσὶ ἀποτρέπειν ἐπειρᾶτο, φάσκων οὐδὲν ἀντιλέξειν περὶ τῶν δώδεκα μνῶν Πολυκλέα, ἀλλ’ ἀποδώσειν.