Lysias, Speeches, Ἀρεοπαγιτικὸσ περὶ τοῦ σηκοῦ ἀπολογία 44:

ἔτι τοίνυν, ὦ βουλή, ἐκ τῶν ἄλλων σκέψασθε. μάρτυρασ γὰρ ἔχων αὐτῷ προσῆλθον, λέγων ὅτι μοι πάντεσ <ἔτι> εἰσὶν οἱ θεράποντεσ, οὓσ ἐκεκτήμην ἐπειδὴ παρέλαβον τὸ χωρίον, καὶ ἕτοιμόσ εἰμι, εἴ τινα βούλοιτο, παραδοῦναι βασανίζειν, ἡγούμενοσ οὕτωσ ἂν τὸν ἔλεγχον ἰσχυρότερον γενέσθαι τῶν τούτου λόγων καὶ τῶν ἔργων τῶν ἐμῶν. οὗτοσ δ’ οὐκ ἤθελεν, οὐδὲν φάσκων πιστὸν εἶναι τοῖσ θεράπουσιν.