Lysias, Speeches, Κατ’ Ἀνδοκίδου ἀσεβείας 38:

τὸ δὲ τελευταῖον νυνὶ παραδέδωκεν αὑτὸν ὑμῖν χρῆσθαι ὅ τι ἂν βούλησθε, οὐ τῷ μὴ ἀδικεῖν πιστεύων, ἀλλ’ ὑπὸ δαιμονίου τινὸσ ἀγόμενοσ ἀνάγκησ. οὔκουν χρὴ μὰ τὸν Δία οὔτε πρεσβύτερον ὄντα οὔτε νεώτερον, ὁρῶντασ Ἀνδοκίδην ἐκ τῶν κινδύνων σῳζόμενον, συνειδότασ αὐτῷ ἔργα ἀνόσια εἰργασμένῳ, ἀθεωτέρουσ γίγνεσθαι, ἐνθυμουμένουσ ὅτι ἥμισυσ ὁ βίοσ βιῶναι κρείττων ἀλύπωσ ἐστὶν ἢ διπλάσιοσ λυπουμένῳ, ὥσπερ οὗτοσ.