Lysias, Speeches, Κατ’ Ἀνδοκίδου ἀσεβείας 15:

Ἀνδοκίδησ δὲ τοσοῦτον καταπεφρόνηκε τῶν θεῶν καὶ ὧν ἐκείνοισ δεῖ τιμωρεῖν, ὥστε πρὶν μᾶλλον ἢ ἧττον ἢ ἐπιδεδημηκέναι δέκα ἡμέρασ ἐν τῇ πόλει προσεκαλέσατο δίκην ἀσεβείασ πρὸσ τὸν βασιλέα, καὶ ἔλαχεν Ἀνδοκίδησ <ὢν> καὶ πεποιηκὼσ ἃ οὗτοσ πεποίηκε περὶ τοὺσ θεοὺσ καὶ ἵνα μᾶλλον πρόσσχητε τὸν νοῦν φάσκων τὸν Ἄρχιππον ἀσεβεῖν περὶ τὸν Ἑρμῆν τὸν αὑτοῦ πατρῷον. ὁ δὲ Ἄρχιπποσ ἠντεδίκει ἦ μὴν τὸν Ἑρμῆν ὑγιᾶ τε καὶ ὅλον εἶναι, καὶ μηδὲν παθεῖν ὧνπερ οἱ ἄλλοι Ἑρμαῖ·