Lysias, Speeches, Κατ’ Ἀνδοκίδου ἀσεβείας 14:

καίτοι Περικλέα ποτέ φασι παραινέσαι ὑμῖν περὶ τῶν ἀσεβούντων, μὴ μόνον χρῆσθαι τοῖσ γεγραμμένοισ νόμοισ περὶ αὐτῶν, ἀλλὰ καὶ τοῖσ ἀγράφοισ, καθ’ οὓσ Εὐμολπίδαι ἐξηγοῦνται, οὓσ οὐδείσ πω κύριοσ ἐγένετο καθελεῖν οὐδὲ ἐτόλμησεν ἀντειπεῖν, οὐδὲ αὐτὸν τὸν θέντα ἴσασιν· ἡγεῖσθαι γὰρ ἂν αὐτοὺσ οὕτωσ οὐ μόνον τοῖσ ἀνθρώποισ ἀλλὰ καὶ τοῖσ θεοῖσ διδόναι δίκην.