Lysias, Speeches, Περὶ τραύματοσ ἐκ προνοίασ, ὑπὲρ οὗ καὶ πρὸσ ὃν ἄδηλον 14:

καὶ φησὶ μὲν δεινῶσ ἐπιβουλευθῆναι καὶ πρὸσ ἅπανθ’ ἡμῖν ἀμφισβητεῖ, ἐξὸν δ’ ἐκ τῆσ ἀνθρώπου βασανισθείσησ τὸν ἔλεγχον ποιήσασθαι οὐκ ἠθέλησεν· ἣ πρῶτον μὲν τοῦτ’ ἂν κατεῖπεν, πότερα κοινὴ ἡμῖν ἦν ἢ ἰδία τούτου, καὶ πότερα τὸ ἥμισυ τοῦ ἀργυρίου ἐγὼ συνεβαλόμην ἢ οὗτοσ ἅπαν ἔδωκε, καὶ εἰ διηλλαγμένοι ἢ ἔτι ἐχθροὶ ἦμεν, ἔτι δὲ εἰ μεταπεμφθέντεσ ἤλθομεν ἢ οὐδενὸσ καλέσαντοσ, καὶ εἰ οὗτοσ ἦρχε χειρῶν ἀδίκων ἢ ἐγὼ πρότεροσ τοῦτον ἐπάταξα.