Lysias, Speeches, Πρὸσ Σίμωνα ἀπολογία 35:

τῷ γὰρ ἂν δόξειε πιστὸν ὡσ ἐγὼ προνοηθεὶσ καὶ ἐπιβουλεύων ἦλθον ἐπὶ τὴν Σίμωνοσ οἰκίαν μεθ’ ἡμέραν, μετὰ τοῦ μειρακίου, τοσούτων ἀνθρώπων παρ’ αὐτῷ συνειλεγμένων, εἰ μὴ εἰσ τοῦτο μανίασ ἀφικόμην ὥστε ἐπιθυμεῖν εἷσ ὢν πολλοῖσ μάχεσθαι, ἄλλωσ τε καὶ εἰδὼσ ὅτι ἀσμένωσ ἄν με εἶδεν ἐπὶ ταῖσ θύραισ ταῖσ αὑτοῦ, ὃσ καὶ ἐπὶ τὴν ἐμὴν οἰκίαν φοιτῶν εἰσῄει βίᾳ, καὶ οὔτε τῆσ ἀδελφῆσ οὔτε τῶν ἀδελφιδῶν φροντίσασ ζητεῖν με ἐτόλμα, καὶ ἐξευρὼν οὗ δειπνῶν ἐτύγχανον, ἐκκαλέσασ ἔτυπτέ με;